აშშ-ის პრეზიდენტმა დონალდ ტრამპმა საჯაროდ შეურაცხყო საუდის არაბეთის მემკვიდრე პრინცი და თქვა, რომ მოჰამედ ბინ სალმან ალ საუდმა შეერთებული შტატები არასაკმარისად შეაფასა და არ ეგონა, რომ მას „ამერიკელი ლიდერის უკანალის კოცნა“ მოუწევდა. რესპუბლიკელმა ასევე გააკრიტიკა ნატოს ქვეყნები ირანთან ომში დახმარებაზე უარის თქმის გამო.

მაიამიში, „მომავლის ინვესტიციების“ ფორუმზე გამოსვლისას, ტრამპმა თავდაპირველად თბილად ისაუბრა საუდის არაბეთის ხელმძღვანელობაზე და გაიხსენა მეფე სალმან ბინ აბდულაზიზ ალ საუდთან პირადი შეხვედრები.

„როდესაც იქ ვიყავი, დავახლოვდით. ის ხელს მიჭერდა, როცა წამოდგებოდა. იმ დროს ცოტა ცუდად იყო... და ამბობდნენ, რომ ეს ერთადერთი შემთხვევა იყო, როცა ვინმეს ასე ეჭირა. ის ყოველთვის მე მეჭირა“, - თქვა ტრამპმა და სალმანს „დიდი კაცი“ უწოდა.

მისი თქმით, ქვეყნებს შორის ურთიერთობები დადებითი მიმართულებით ვითარდება.

თუმცა, შემდეგ ტრამპმა ყურადღება მოჰამედ ბინ სალმანზე გადაიტანა და მისი რიტორიკა უფრო მკაცრი გახდა. მან თქვა, რომ მემკვიდრე პრინცმა მათი ბოლო შეხვედრის დროს აღიარა, რომ ერ-რიადმა შეერთებული შტატები არასაკმარისად შეაფასა:

„მან შემომხედა და მითხრა: „იცით, ეს საოცარია - ერთი წლის წინ თქვენ მკვდარი ქვეყანა იყავით და ახლა მსოფლიოში ყველაზე სწრაფად მზარდი ქვეყანა ხართ“.

ამის შემდეგ აშშ-ის პრეზიდენტმა მკაცრი შენიშვნა გააკეთა თანამოსაუბრეზე.

„მას არ ეგონა, რომ ჩემი უკანალისთვის კოცნა მოუწევდა. სინამდვილეში ასე არ ფიქრობდა. მას ეგონა, რომ მე უბრალოდ კიდევ ერთი წარუმატებელი ამერიკელი პრეზიდენტი ვიქნებოდი ქვეყნიდან, რომელიც დაღმასვლას განიცდის. მაგრამ ახლა ის ჩემს მიმართ კეთილი უნდა იყოს. უთხარით, რომ ისიც ჩემ მიმართ კეთილი უნდა იყოს“, - თქვა ტრამპმა აუდიტორიისადმი მიმართვისას.

„ანადოლუს“ ცნობით, პრეზიდენტის სიტყვებმა სოციალურ მედიაში კრიტიკა გამოიწვია.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა