გავრცელებული ინფორმაციით, დღეს, 28 მარტს ახალციხის საკრებულოს თავმჯდომარის მოადგილეს, "ქართული ოცნებიდან" ჰამბარცუმ ბაბოიანს ფიზიკურად გაუსწორდნენ.

გამოცემა TOK TV წყაროზე დაყრდნობით წერს, რომ მაღალჩინოსანს საკრებულოს სხდომის დასრულების შემდეგ დაესხნენ თავს. 

ადგილობრივი მედია წერს, რომ მათი წყაროს მონაყოლის თანახმად, "ქართული ოცნების" წევრი მის მიერ, მერიის ინფრასტრუქტურის სამსახურის წარმომადგენლისთვის დასმული შეკითხვის გამო "დაისაჯა".

უფრო კონკრეტულად, TOK TV-ის თანახმად, გუშინ გამართულ საკრებულოს სხდომაზე ახალციხის საკრებულოს თავმჯდომარის მოადგილემ მერიის ინფრასტრუქტურის სამსახურის წარმომადგენელს ჰკითხა, აღადგენს თუ  არა ახალციხის საკრებულო სომხური სასაფლაოს ავარიული კედელს წელს?

გამოცემის ცნობით, არქიტექტურის სამსახურის წარმლამდგენლემა, ქეთევან თედორაძემ ბაბოიანს გუშინ საკრებულოს სხდომაზევე უპასუხა, რომ არა. მისივე თქმით, წელს ახალციხის მერიის ბიუჯეტში, სომხური სასაფლაოს რეაბილიტაციის ფული არ აქვთ გათვალისწინებული.

საკრებულოზე ამ განხილვიდან, მეორე დღეს, 28 მარტს, სხდომის დასრულების შემდეგ, ჰამბარცუმ ბაბოიანს, მანქანაში ფიზიკურად გაუსწორდნენ. გამოცემა წერს, რომ მიზეზი მერიის წარმომადგენლისათვის კრიტიკული კითხვის დასმა გახდა, მით უფრო, რომ ჰამბარცუმიანი “ქართული ოცნების” რიგებიდანაა. 

ბაბოიანი ცემის ფაქტს არც დაადასტურებს და არც უარყოფს. TOK TV წერს, რომ ისინი ასევე დავუკავშირდით, წყაროს მიერ ნახსენებ პირს, რომელმაც სავარაუდოდ იძალადა ბაბოიანზე. გამოცემის ცნობით, ის მომხდარს უარყოფს.

ავტორი: ექსპრესნიუსი,

სოციალური ქსელები

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს

რუსმა ბლოგერმა და ტელეწამყვანმა ანასტასია ივლეევამ, საქართველოს ოკუპაციის შესახებ კანონი დაარღვია

ლუკაშენკომ ამერიკელებთან უარყო ბრალდებები ბელარუსში რეპრესიების გაგრძელების შესახებ