2015-02-18 18:09:52, 845 ნახვა
პოლიტიკა
ნინო გვენეტაძის კანდიდატურას პარლამენტი, სავარაუდოდ, მომავალ კვირას განიხილავს
პარლამენტში უზენაესი სასამართლოს თავჯდომარის თანამდებობაზე, ნინო გვენეტაძის კანდიდატურას, სავარაუდოდ, მომავალ კვირას განიხილავენ.
გვენეტაძეს სხვადასხვა კომიტეტებში მოუსმენენ, შემდეგ კი, კენჭს უყრიან.
პარლამენტის თავჯდომარის დავით უსუფაშვილის განცხადებით, იმ შემთხვევაში თუ კანდიდატს კენჭს 23 თებერვლამდე არ უყრიან, იმ დროის განმავლობაში სანამ პარლამენტი ახალ თავჯდომარეს აირჩევს, უზენაესი სასამართლოს თავჯდომარის მოვალეობას, კოტე კუბლაშვილის პირველი მოადგილე შეასრულებს.
შეგახსენებთ, საქართველოს პრეზიდენტმა გიორგი მარგველაშვილმა უზენასი სასამართლოს თავჯდომარის პოსტის დასაკავებლად ნინო გვენეტაძის კანდიდატურა დაასახელა.
ცნობისთვის, უზენაესი სასამართლოს თავჯდომარის დასამტკიცებლად 76 დეპუტატის მხარდაჭერაა საჭირო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
