ესტონეთის ელჩი მარგე მარდისალუ-კაჰარი ამ კვირაში დატოვებს საქართველოს, თუმცა ესტონეთის საელჩო თბილისში გააგრძელებს ფუნქციონირებას, რომელსაც ელჩის მოვალეობის შემსრულებელი ხელმძღვანელობს.

მისი თქმით, ესტონეთის ხელისუფლებამ გადაწყვიტა 2025 წლის ბოლომდე ხუთი ახალი საელჩოს გახსნა (მათ შორის სომხეთში), „რესურსების ოპტიმიზაციისთვის, ასევე მრავალი სხვა მიზეზის გამო“. გადაწყდა, რომ მარდისალუ-კაჰარი ერევანში გააგრძელებს მუშაობას.

ესტონეთის ელჩის თქმით, „ეს არის ყველაზე მნიშვნელოვანი მიზეზი“ მისი სომხეთში გამგზავრების.

„თუმცა, თუ მკითხავთ, ასახავს თუ არა ჩემი წასვლა საქართველოსა და ესტონეთს შორის არსებულ ურთიერთობებს, მაშინ, რა თქმა უნდა, ასახავს. ამას ვერ დავმალავ. ასე მუშაობს დიპლომატია. ასევე მინდა ნათლად განვაცხადო, რომ ესტონეთი არ ხურავს თავის საელჩოს საქართველოში.

მე ვიქნები ერთადერთი, ვინც წავა, მაგრამ საელჩო დარჩება და ის გააგრძელებს თავის საქმიანობას“. „ჩვენ აქ ძალიან კარგი გუნდი გვყავს და საელჩოს მუშაობას ესტონეთის დროებითი მოვალეობის შემსრულებელი (რედ.) უხელმძღვანელებს.

ტალინში დიპლომატიური მისიების სიის დათვალიერებისას დაინახავთ, რომ საქართველოსაც აქვს საელჩო ტალინში, რომელსაც დროებითი მოვალეობის შემსრულებელი ხელმძღვანელობს. ასეთია სიტუაცია. საელჩო საქართველოში დარჩება და გააგრძელებს მუშაობას“, - განაცხადა მარჯ მარდისალუ-კაჰარმა.

დიპლომატმა ხაზგასმით აღნიშნა, რომ ესტონეთის ურთიერთობები სომხეთთან სულ უფრო აქტიური და ხშირი ხდება, ამიტომ ტალინს ადგილზე წარმომადგენელი სჭირდება და „იქ საელჩოს გახსნა ნამდვილად პრაქტიკულია“.

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას