უნგრეთსა და უკრაინას შორის მორიგი ექსკალაციაა, როგორც უკრაინის საგარეო საქმეთა მინისტრი სერგეი სიბიჰა ამბობს, ბუდაპეშტმა გაიტაცა 7 უკრაინელი და ბანკის ორი მანქანა, რომელსაც ფული გადაჰქონდა.

„დღეს ბუდაპეშტში უნგრეთის ხელისუფლებამ უკრაინის შვიდი მოქალაქე მძევლად აიყვანა. მიზეზები, ასევე მათი ამჟამინდელი მდგომარეობა ან მათთან დაკავშირების შესაძლებლობა ჯერ კიდევ უცნობია.

ეს შვიდი უკრაინელი სახელმწიფო საკუთრებაში არსებული „ოსჩადბანკის“ თანამშრომელია, რომლებიც ავსტრიასა და უკრაინას შორის ტრანზიტით მოძრავ ორ საბანკო მანქანას მართავდნენ და სახელმწიფო ბანკებს შორის რეგულარული მომსახურების ფარგლებში ნაღდი ფული გადაჰქონდათ.

სინამდვილეში, ჩვენ ვსაუბრობთ უნგრეთის მიერ მძევლების აყვანასა და ფულის მოპარვაზე. თუ ეს არის ბატონი ორბანის მიერ დღეს გამოცხადებული „ძალა“, მაშინ ეს არის კრიმინალური დაჯგუფების ძალა. ეს არის სახელმწიფო ტერორიზმი და რეკეტი.

ჩვენ უკვე გავგზავნეთ ოფიციალური ნოტა ჩვენი მოქალაქეების დაუყოვნებლივ გათავისუფლების მოთხოვნით.

ჩვენ ასევე მივმართავთ ევროკავშირს თხოვნით, მოგვაწოდოს მკაფიო კვალიფიკაცია უნგრეთის უკანონო ქმედებების, მძევლების აყვანისა და ძარცვის შესახებ." - წერს უკრაინის საგარეო საქმეთა მინისტრი ანდრეი სიბიგა.

 თავად "ოსჩადბანკის“ მიერ გავრცელებულ განცხადებაში ნათქვამია, რომ საინკასო სამსახურის ორი მანქანა, რომლებშიც 7 თანამშრომელი იმყოფებოდა, „რაიფაისენ ბანკ ავსტრიასა“ და „ოსჩადბანკ უკრაინას“ შორის უცხოური ვალუტის და საბანკო ლითონების რეგულარული ტრანსპორტირების დროს დააკავეს. GPS სიგნალის მონაცემებზე დაყრდნობით, ბანკი წერს, რომ საინკასაციო მანქანები ამჟამად ბუდაპეშტის ცენტრში, ერთ-ერთი სამართალდამცავი ორგანოს მახლობლად ფიქსირდება, „ოსჩადბანკის“ თანამშრომლების ადგილსამყოფელი კი უცნობია.

 "ტვირთი რეგისტრირებული იყო საერთაშორისო ტრანსპორტირების წესებისა და ევროპული საბაჟო პროცედურების შესაბამისად. მოპარულ მანქანებში ძვირფასი ნივთების რაოდენობამ შეადგინა 40 მილიონი აშშ დოლარი, 35 მილიონი ევრო და 9 კგ ოქრო." | წერს ბანკი.

სლოვაკეთსა და უნგრეთს ნავთობი უკრაინის გავლით „დრუჟბას“ ნავთობსადენით 27 იანვრის შემდეგ აღარ მიეწოდებათ. უკრაინის განცხადებით, ამის მიზეზი ნავთობსადენზე რუსეთის თავდასხმაა, ხოლო სლოვაკეთი და უნგრეთი უკრაინას ნავთობის მიწოდების განზრახ შეჩერებაში ადანაშაულებენ.

 "არანაირი გარიგება, არანაირი კომპრომისი არ იქნება. უკრაინის ნავთობის ბლოკადას ძალის გამოყენებით გავარღვევთ. უნგრეთის ენერგია მალე კვლავ „დრუჟბას“ მილსადენით იმოძრავებს“ | დაწერა გუშინ, 5 მარტს უნგრეთის პრემიერმა ორბანმა.

ავტორი: ექსპრესნიუსი,

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.