"განვითარებული მოვლენების ფონზე, მაქვს სურვილი, შევხვდე ოფიციალურ პირებს საქართველოს მთავრობიდან. ამ დრომდე მათ არ შევვხედრილვარ, იმედი მაქვს, ეს მალე მოხდება“ — ამბობს ფორმულასთან ინტერვიუში ისრაელის ელჩი საქართველოში, ვალიდ აბუ ჰაია.

"ახლა ისრაელის რამდენიმე ათასი მოქალაქე იმყოფება საქართველოში, მათ მოსწონთ აქ ყოფნა, დარწმუნებული ვარ, ძალიან შეფოთებულები არიან იმით, რაც მათ სამშობლოში ხდება, მაგრამ ახლა ისრაელის ცა დაკეტილია და როცა ფრენები აღდგება, ჩვენ მათზე ვიზრუნებთ.

ისრაელში არიან საქართველოს მოქალაქეები და მინდა მათ იცოდნენ, ჩვენ არამხოლოდ ჩვენს მოქალაქეებს ვიცავთ, არამედ, ყველას, ვინც ისრაელშია. ჩცვენ ვეკონტაქტებით თელ ავივში საქართველოს საელჩოს და მათაც აქვთ კომუნიკაცია იერუსალიმში ისრაელის საგარეო საქმეთა სამინისტროსთან, თუ რაიმე დასჭირდებათ, ისინი დახმარებას მაქსიმალურად მიიღებენ" - ამბობს ელჩი.

ვალიდ აბუ ჰაია აღნიშნავს, რომ "ირანის რეჟიმის მთავარი მიზანი იყო ისრაელის სახელმწიფოს განადგურება და ყველაფერი, რასაც ისინი აკეთებენ, ნებისმიერ სფეროში, მიმართულია ისრაელის დაზიანებისკენ". მისი თქმით, "ჩვენ და ჩვენს ამერიკელ მოკავშირეებს სხვა არჩევანი არ გვაქვს, გარდა იმისა, რომ დავარტყათ ამ რეჟიმს".

"ჩვენი მთავარი მიზანია, საბოლოოდ მოვაშოროთ ირანის საფრთხე ისრაელის სახელმწიფოს, ამასთან, ეს რეჟიმი საფრთხეა თავად ირანელი ხალხისთვისაც. ვნახეთ, რომ იანვარში თეირანსა და სხვა ქალაქებში მასობრივად დახოცეს 36 000-ზე მეტი ადამიანი, რომელიც თავისუფლებას ითხოვდა" - ამბობს ისრაელის ელჩი ფორმულასთან.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა