2026-02-22 09:47:06, 19351 ნახვა
სპორტი
ხმლით მოფარიკავე გიორგი ურუშაძე ევროპის ჩემპიონია
თბილისი იუნიორებსა და კადეტებს შორის ფარიკაობის ევროპის ჩემპიონატს მასპინძლობს. კონტინენტის პირველობაზე კადეტებს შორის ჩემპიონობა იზეიმა გიორგი ურუშაძემ. მან ფინალში თურქ ჯანდენიზ ბერაქს სძლია.
ქართველმა მოფარიკავემ მეოთხედფინალში რუმინელი სპორტსმენი, ნახევარფინალში კი უნგრელი ხმლით მოფარიკავე დაამარცხა.
საქართველო იუნიორებსა და კადეტებს შორის ევროპის ჩემპიონატს ისტორიაში პირველად მასპინძლობს. კონტინენტის პირველობა 27 თებერვალს დასრულდება.
ავტორი: ექსპრესნიუსი,
epn.ge (@expressnews.ge)
