28 წლის მოკლული მასწავლებლის, გიგა ავალიანის საქმეში ბრალდებული ალექსანდრე გაბაშვილის მამა „ტვ პირველთან“ ეხმაურება პროკურატურის მიერ გავრცელებულ ინფორმაციას, რომლის მიხედვითაც საქმეში ბრალდებულებმა გიგა ავალიანზე თავდასხმამდე სხვადასხვა დროს იძალადეს კიდევ 4 პირზე, ძალადობის ამსახველ ფაქტებს კი ტელეფონით იღებდნენ.

გაბაშვილი ამბობს, რომ საქმის მასალები გვიან ღამით გადაეცათ, თუმცა ვიდეოებში მისი შვილი ვერ ამოიცნო.
 
 „გუშინ გვიან ღამით მოგვცეს საქმის მასალები, მაგრამ რასაც გადავხედე, იქ ჩემი ბავშვი არ არის. მე ჩხუბის ვიდეოები ვნახე და იქ ჩემი შვილი არ არის, არცერთ ეპიზოდში...

დაზარალებული ადვოკატს ჯერ არავინ უნახია, როგორც ჩანს, არც არიან. 100%-ით თუ არა, 95%-ით გეუბნებით, ამ მასალაში, რაც მოგვცეს, ჯერ არ შეგვხვედრია",  - ამბობს გაბაშვილის მამა. 

 ალექსანდრე გაბაშვილს გიგა ავალიანის სისხლის სამართლის საქმეზე ბრალდება წარდგენილი აქვს საქართველოს სისხლის სამართლის კოდექსის 117-ე მუხლის მე-4 ნაწილით (ჯანმრთელობის განზრახ მძიმე დაზიანება, ჩადენილი ჯგუფურად რამაც გამოიწვია სიცოცხლის მოსპობა_, ხოლო სხვა ძალადობრივი დანაშაულის ფაქტებზე 225-ე მუხლის პირველი და მეორე ნაწილით (ჯგუფური მოქმედების ორგანიზება და მასში მონაწილეობა, რასაც თან ახლავს ძალადობა), რაც სასჯელის სახედ და ზომად 14 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ტრამპმა განაცხადა, რომ უკრაინის საკითხზე შეთანხმების მიღწევა შესაძლებელია G20-ის სამიტამდე

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა