ქართული ოცნების პრემიერი ირაკლი კობახიძე ამბობს, რომ აშშ-ის სახელმწიფო მდივნის მარკო რუბიოს გზავნილი "ოპტიმიზმის საფუძველს" აძლევს. 

"მარკო რუბიოს გზავნილი გვაძლევს ოპტიმიზმის საფუძველს, ჩვენი განაცხადი არის ცნობილი - ჩვენი სურვილია, სუფთა ფურცლიდან და კონკრეტული გზამკვლევით აღვადგინოთ სტრატეგიული პარტნიორობა აშშ-სთან, ის სტრატეგიული პარტნიორობა, რომელიც წინა ადმინისტრაციამ თავისი მიზანმიმართული პოლიტიკის შედეგად, კულმინაციის სახით შეწყვიტა, შეაჩერა საქართველოსთან.

ეს არის ჩვენი გაცხადებული მიზანი, ბატონი რუბიოს გზავნილი გვაძლევს ოპტიმიზმის საფუძველს. დანარჩენი, უნდა დაველოდოთ მოვლენების განვითარებას, ჩვენი მხრიდან იქნება გამოხატული სრული ღიაობა სტრატეგიული პარტნიორობის აღდგენასთან დაკავშირებით", - თქვა კობახიძემ.

ცნობისთვის, 8 თებერვალს, პროპაგანდისტული TV იმედის ეთერში, ივანიშვილის პრეზიდენტმა, მიხეილ ყაველაშვილმა, ოლიმპიური კომიტეტის პრეზიდენტის მიერ გამართული მიღების ფარგლებში ამერიკის ვიცეპრეზიდენტთან და სახელმწიფო მდივანთან შეხვედრის შესახებ კომენტარი გააკეთა.

"ჯეი დი ვენსი მოგვესალმა და სახ.მდივანი მარკო რუბიო ცოტა უფრო დიდხანს შეჩერდა ჩვენთან. [...] მან აღნიშნა, რომ საკმაოდ დიდი ნეგატივი დახვდათ წინა ადმინისტრაციისგან საქართველოსთან მიმართებაში. არც მინდა ის სიტყვა გამოვიყენო. პირდაპირ შეიძლება არც ითარგმნება ინგლისურიდან... სიმყრალესთან… ესე აღნიშნა. უდიდესი ნეგატივის მატარებელი იყო ის ადმინისტრაცია ჩვენთან მიმართებაში. თავად ხვდებიან, რომ ეს იყო არაშესაბამისი ჩვენს ქვეყანასთან მიმართებაში." - თქვა ყაველაშვილმა

ავტორი: ექსპრესნიუსი,

სოციალური ქსელები

The Economist - რუსეთმა უკრაინაში შესაძლოა 770 000 ადამიანი დაკარგა

ტრამპი: აშშ-ს ირანში კიდევ ერთი ან ორი სამიზნე აქვს გასანადგურებელი

საფრანგეთში ცხოვრების ფასების ზრდის წინააღმდეგ გამართულ საპროტესტო აქციებში დაახლოებით 320 000 ადამიანი მონაწილეობდა

შეერთებულმა შტატებმა ბელორუსს Boeing-ის სათადარიგო ნაწილებისა და ახალი თვითმფრინავების შეძენის უფლება მისცა