Wall Sreet Journal-ის ინფორმაციით, დონალდ ტრამპს წარუდგინეს ირანზე თავდასხმის შესაძლო ვარიანტები, რომლებიც ერთობლივად შეიმუშავეს პენტაგონმა და თეთრმა სახლმა. მათ შორის არის „მასშტაბური გეგმა“, რომელიც ითვალისწინებს რეჟიმის ობიექტებსა და ისლამური რევოლუციის გუშაგთა კორპუსზე (IRGC) ფართომასშტაბიან დარტყმებს.

ხამენეის დაკავება, თუკი ვაშინგტონი ასეთ გადაწყვეტილებას მიიღებს, ბევრად უფრო რთული ოპერაცია იქნება, ვიდრე მადუროს წინააღმდეგ განხორციელებული მოქმედებები, ირანში უსაფრთხოების გამკაცრებისა და ქვეყნის გეოგრაფიული თავისებურებების გამო.

თავის მხრივ, New York Times იუწყება, რომ თეთრ სახლში ამჟამად განიხილება არა მხოლოდ საჰაერო და სარაკეტო დარტყმები, არამედ სპეციალური დანიშნულების ძალების შესაძლო რეიდებიც იმ ირანულ ბირთვულ ობიექტებზე, რომლებიც ჯერ კიდევ არ არის განადგურებული.

ბოლო დღეებში ტრამპი და მისი მრჩევლები უფრო ფართომასშტაბიან სცენარებს განიხილავენ, ვიდრე ადრე იყო განხილული. მიზანი არის ირანის სარაკეტო და ბირთვული პროგრამების სერიოზული დაზიანება ან ქვეყნის უზენაესი ლიდერის ინსტიტუტის დასუსტება.

ალტერნატიული სცენარები ასევე მოიცავს დარტყმებს ისეთ სამიზნეებზე, რომლებმაც შესაძლოა ქაოსი და შიდა არასტაბილურობა გამოიწვიოს და შექმნას პირობები ხამენეის შეცვლისთვის.

ისრაელი კი თავის მხრივ დაჟინებით მოითხოვს საკუთარ ვერსიას, რომელიც ირანის სარაკეტო სისტემაზე ერთობლივ, ფართომასშტაბიან შეტევას გულისხმობს.

ავტორი: ექსპრესნიუსი,

სოციალური ქსელები

პოლონეთის პრეზიდენტმა საკონსტიტუციო ტრიბუნალის შენობა დატოვა, საპროტესტო აქციები გაგრძელდა

კაჩინსკიმ საკონსტიტუციო სასამართლოსთან დაკავშირებულ სიტუაციას სახელმწიფო გადატრიალება უწოდა

რუსეთი ოთხწლიანი პაუზის შემდეგ ჰოკეის მსოფლიო ჩემპიონატს დაუბრუნდება

პოლონეთის მმართველმა კოალიციამ საკონსტიტუციო სასამართლოს ხელმძღვანელის შეცვლა უზრუნველყო