აშშ-ს პრეზიდენტ დონალდ ტრამპს სურს გრენლანდიის შესყიდვაზე მოლაპარაკება. მისი თქმით, მხოლოდ შეერთებულ შტატებს შეუძლია კუნძულის უსაფრთხოების უზრუნველყოფა.

„ეს უზარმაზარი, დაუცველი კუნძული რეალურად ჩრდილოეთ ამერიკის ნაწილია, დასავლეთის ნახევარსფეროს ჩრდილოეთ საზღვარზე. ეს ჩვენი ტერიტორიაა. როგორც ჩვენი ისტორიის განმავლობაში მრავალი ტერიტორია დავიმატეთ – ისე, როგორც მრავალი ევროპული ქვეყანა აკეთებდა – აქ არაფერია არასწორი.“ - ხაზგასმით აღნიშნა ტრამპმა.

აშშ-ის პრეზიდენტმა განაცხადა, რომ ის პატივს სცემს გრენლანდიისა და დანიის ხალხს, მაგრამ ნატოს ყველა წევრს უნდა შეეძლოს თავისი ტერიტორიის უსაფრთხოების უზრუნველყოფა:

„არც ერთ ქვეყანას ან ქვეყნების ჯგუფს არ შეუძლია გრენლანდიის უსაფრთხოების უზრუნველყოფა შეერთებული შტატების გარდა. ჩვენ დიდი ძალა ვართ“. ტრამპმა მაგალითად მეორე მსოფლიო ომი მოიყვანა, როდესაც „დანია გერმანიას მხოლოდ ექვსსაათიანი ბრძოლის შემდეგ დანებდა“. შემდეგ აშშ ჩაერია გრენლანდიის ტერიტორიის შესანარჩუნებლად.

ტრამპმა ასევე განაცხადა, რომ აშშ-ს ახლა აქვს იარაღი, რომელსაც შეუძლია „ყველაფრის“ განადგურება ერთი რაკეტით.

ავტორი: ექსპრესნიუსი,

სოციალური ქსელები

პროკურატურამ რკინიგზის საქმის რვავე დაკავებულს ბრალი წარუდგინა, ორზე ძებნა გამოცხადდა

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ