საფრანგეთის პრეზიდენტი „ავიატორის“ სტილის მზის სათვალით დააფიქსირეს. სამშაბათს, 20 იანვარს, ემანუელ მაკრონს, დავოსის ეკონომიკურ ფორუმზე სიტყვით გამოსვლის დროს, ჯანმრთელობის მცირე პრობლემის გამო, მზის სათვალე ეკეთა. ჯერ კიდევ წინა კვირაში, შეიარაღებული ძალებისადმი საახალწლო მიმართვისას, სისხლჩაქცევის გამო, სახელმწიფოს მეთაურს მარჯვენა თვალი ჩაწითლებული ჰქონდა, რის გამოც მან ირონიულად ახსენა „ვეფხვის თვალი“ და „მტკიცე ნების ნიშანი“. ამით მან მინიშნება ჟორჟ კლემანსოზე, მეტსახელად „ვეფხვზე“ - ისტორიულ ფიგურაზე, რომელიც პირველი მსოფლიო ომის დროს ფრანგული სიმტკიცის განსახიერებად მიიჩნეოდა.

„ბოდიშს გიხდით ჩემი თვალის არაესთეტიკური გარეგნობის გამო“, - განაცხადა მან მაღალი რანგის ოფიცრების წინაშე სიტყვით გამოსვლისას ისტრის (სამხრეთ საფრანგეთი) ავიაბაზაზე, რომელიც ბირთვული შეკავებისთვის გამოიყენება. „ეს სრულიად უმნიშვნელო რამ არის“, - აღნიშნა საფრანგეთის პრეზიდენტმა, რომელიც ბაზაზე „ავიატორის“ სათვალით მივიდა. ელისეის სასახლის მთავარი ექიმის განმარტებით, თვალში მცირე სისხლძარღვი გასკდა, რაც მაკრონის ჯანმრთელობისთვის „სავსებით უსაფრთხოა“.

პარასკევს, ელისეის სასახლეში ახალი კალედონიის ინსტიტუციური მომავლისადმი მიძღვნილ შეხვედრაზე, ემანუელ მაკრონს კვლავ მოლურჯო მზის სათვალე ეკეთა. „გთხოვთ, მომიტევოთ ამ სათვალის ტარების გამო, რაც უმნიშვნელო პრობლემას უკავშირდება“, - გაიმეორა მან. გამოცემა „ლე პარიზიენის“ ინფორმაციით, რესპუბლიკის პრეზიდენტმა ასევე განაცხადა: „იძულებული ვარ, გარკვეული დროით ვატარო ის. ამიტომ, ასეთ მდგომარეობაში ჩემი ატანა მოგიწევთ“.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო