NBC-ის ცნობით, ჟურნალისტი და მწერალი, აშშ-ის 35-ე პრეზიდენტის, ჯონ კენედის შვილიშვილი, ტატიანა შლოსბერგი 35 წლის ასაკში გარდაიცვალა. ნოემბერში მან განაცხადა, რომ მწვავე მიელოიდური ლეიკემია ჰქონდა.

„ჩვენი მშვენიერი ტატიანა დღეს დილით გარდაიცვალა. ის სამუდამოდ ჩვენს გულებში დარჩება“, - ნათქვამია ოჯახის განცხადებაში.

შლოსბერგს დიაგნოზი 2024 წელს დაუსვეს; მან ამის შესახებ ერთი თვის წინ The New Yorker-ში დაწერა. მეორე შვილის დაბადების შემდეგ, ექიმმა შენიშნა სისხლის თეთრი უჯრედების ანომალიურად მაღალი რაოდენობა და დანიშნა დამატებითი ანალიზები. შლოსბერგს ქიმიოთერაპია და ძვლის ტვინის გადანერგვა ჩაუტარდა.

„ბოლო კლინიკური კვლევის დროს ექიმმა მითხრა, რომ მას შეეძლო ჩემი სიცოცხლის დაახლოებით ერთი წლით გახანგრძლივება“, - აღნიშნა მან.

ტატიანა შლოსბერგი მხატვრის, ედვინ შლოსბერგისა და დიპლომატის, კეროლაინ კენედის ქალიშვილია, აშშ-ის 35-ე პრეზიდენტის, ჯონ კენედის უფროსი ქალიშვილი. NBC მას გამოცდილ და პატივცემულ ჟურნალისტად მოიხსენიებს. მას გარემოსდაცვით საკითხებზე წერდა, მათ შორის The New York Times-ისთვის, The Atlantic-ისთვის და The Washington Post-ისთვის. 2019 წელს გამოიცა მისი წიგნი „ჩუმი მოხმარება: გარემოზე ზემოქმედება, რომლის შესახებაც არ იცით“.

სიცოცხლეში შლოსბერგი კრიტიკულად იყო განწყობილი თავისი ბიძაშვილის, რობერტ კენედი უმცროსის მიმართ, რომელიც ტრამპის ადმინისტრაციაში ჯანდაცვისა და სოციალური მომსახურების მდივნის თანამდებობას იკავებს. მან აღნიშნა, რომ მან მილიარდობით დოლარის დაფინანსება შეუმცირა ჯანმრთელობის ეროვნული ინსტიტუტებისთვის, მათ შორის mRNA ვაქცინების კვლევისთვის, რომლებიც შეიძლება გამოყენებულ იქნას კიბოს გარკვეული ტიპების სამკურნალოდ.

„მე ვნერვიულობდი იმ კვლევებზე, რომლებიც რემისიის ჩემი ერთადერთი შანსი იყო“, - აღნიშნა შლოსბერგმა.

მან ასევე გააკრიტიკა კენედი უმცროსი ვაქცინების მიმართ სკეპტიციზმის გამო. „ბობის ალბათ არ ახსოვს მილიონობით ადამიანი, რომლებიც პარალიზებული იყვნენ ან პოლიომიელიტით გარდაიცვალნენ ვაქცინის ხელმისაწვდომობამდე“, - ხაზგასმით აღნიშნა ჟურნალისტმა.

ავტორი: ექსპრესნიუსი,

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო