პოლონეთის პრემიერ-მინისტრი დონალდ ტუსკი მიიჩნევს, რომ რუსეთისა და უკრაინის ომის სამშვიდობო მოლაპარაკებები ჯერ კიდევ შორს არის დასრულებისგან, თუმცა რუსეთს არ უნდა მიეცეს უფლება, თავად განსაზღვროს სამშვიდობო პირობები.

მან ამის შესახებ თავის ბლოგპოსტში დაწერა.

ტუსკი აშშ-ის მიერ უკრაინის უსაფრთხოების გარანტიებში მონაწილეობის შესახებ განცხადებას ბოლო მოლაპარაკებების წარმატებად მიიჩნევს.

„ევროპელ ლიდერებთან ღამით გამართული მოლაპარაკებების შემდეგ, ერთი რამ ცხადია: დასავლეთი და უკრაინა ამ დაპირისპირებას წააგებენ, თუ რუსეთი ჩვენს გაყოფას და სამშვიდობო პირობების კარნახს შეძლებს. უსაფრთხოების გარანტიებში აშშ-ის მონაწილეობის შესახებ განცხადება წარმატებაა. თუმცა, მოლაპარაკებები ჯერ კიდევ შორს არის დასრულებისგან“, - განაცხადა პოლონეთის პრემიერ-მინისტრმა.

აშშ-ის პრეზიდენტთან შეხვედრის შემდეგ, პრეზიდენტმა ვოლოდიმირ ზელენსკიმ განაცხადა, რომ უკრაინას აშშ-სგან 30-40-50 წლით უსაფრთხოების გარანტიები სურს.

აღსანიშნავია, რომ საფრანგეთის პრეზიდენტმა ემანუელ მაკრონმა განაცხადა, რომ იანვრის დასაწყისში პარიზში „გადამწყვეტი ქვეყნების კოალიციის“ შეხვედრა გაიმართება, სადაც ისინი უკრაინის უსაფრთხოების გარანტიების სისტემაში თითოეული ქვეყნის კონკრეტული წვლილის საბოლოოდ განსაზღვრას გეგმავენ.

გავრცელებული ინფორმაციით, ზელენსკი და ტრამპი ფლორიდაში სამშვიდობო მოლაპარაკებებისთვის შეხვდნენ, ტრამპმა კი მაშინვე გააფრთხილა, რომ საუბრის შემდეგ პუტინს დაურეკავდა.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო