„ჩემი პირადი პოზიცაა, რომ გეგი ნიჟარაძემ თანამდებობა არ უნდა დატოვოს. მას ბევრი საქმე აქვს გასაკეთებელი“, – ამის შესახებ ჟურნალისტებს დედაქალაქის მერმა დავით ნარმანიამ განუცხადა.
მისივე შეფასებით, ზედამხედველობის საქალაქო სამსახურს ისეთი ძლიერი პერსონა სჭირდება, როგორიც გეგი ნიჟარაძეა.
ზედამხედველობის სამსახურის პასუხისმგებლობის საკითხი კი, ნარმანიას თქმით, გამოძიებამ უნდა დაადგინოს.
 „რაც შეეხება კონკრეტულად ამ სამსახურის ხელმძღვანელის პასუხისმგებლობის საკითხს, ჩემი პირადი პოზიცია არის ის, რომ მან თანამდებობა არ უნდა დატოვოს, რადგან ძალიან ბევრი საქმე აქვს გასაკეთებელი. ზედამხედველობის სამსახურს ისეთივე ხელმძღვანელი სჭირდება, ისეთივე ძლიერი პერსონა, როგორიც გეგი ნიჟარაძეა“, – აღნიშნა  ნარმანიამ.
შეგახსენებთ, მიმდინარე წლის 11 თებერვალს თბილისის მუნიციპალიტეტის მერიის ზედამხედველობის სამსახურის უფროსი ჯოკია ბოდოკია დიდი ოდენობით ქრთამის აღების ფაქტზე დააკავეს.  გამოძიების ინფორმაციით,  ჯოკია ბოდოკიამ ერთ-ერთი კერძო კომპანიის წარმომადგენელს სასტუმროს მშენებლობის ნებართვის გაცემაში დახმარებისა და მშენებლობის პროცესში მფარველობის გაწევის სანაცვლოდ ქრთამის სახით მოსთხოვა სასტუმროს მშენებლობის ღირებულების 10 % – 180 000 აშშ დოლარი, საიდანაც წინასწარ ქრთამის სახით აიღო მოთხოვნილი თანხის ნაწილი – 50 000 აშშ დოლარი. გამოძიება განსაკუთრებით დიდი ოდენობით ქრთამის აღების ფაქტზე მიმდინარეობს (საქართველოს სისხლის სამართლის კოდექსის 338-ე მუხლის მე-3 ნაწილის „ე“ ქვეპუნქტით, რაც სასჯელის სახით 11-დან 15 წლამდე თავისუფლების აღკვეთას ითვალისწინებს).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა