ტაილანდმა კამბოჯასთან სადავო საზღვარზე საჰაერო დარტყმები განახორციელა მას შემდეგ, რაც ორივე ქვეყანამ ერთმანეთი აშშ-ის პრეზიდენტის, დონალდ ტრამპის და მალაიზიის პრემიერ-მინისტრ ანვარ იბრაჰიმის შუამავლობით მიღწეული ცეცხლის შეწყვეტის შეთანხმების დარღვევაში დაადანაშაულა.

ტაილანდის სამეფო არმიის განცხადებით, კამბოჯის მხრიდან ცეცხლის გახსნის შედეგად უბონ რაჩატანის პროვინციაში ორი ტაილანდელი სამხედრო დაიღუპა და ოთხი დაიჭრა, რის შემდეგაც ბანგკოკმა საჰაერო დარტყმები დაიწყო.

კამბოჯის თავდაცვის სამინისტრო ამტკიცებს, რომ სწორედ ტაილანდის ძალებმა განახორციელეს გამთენიისას პირველი შეტევა და რომ მათ საპასუხო მოქმედებები არ გამოუყენებიათ.

საბრძოლო ეპიზოდები ფიქსირდება ტაილანდის სი სა კეტისა და უბონ რაჩატანის პროვინციებში, ასევე კამბოჯის ჩრდილოეთის რეგიონებში - პრეაჰ ვიჰარსა და ოდარ მინჩეიში.

სასაზღვრო დაძაბულობა ორ ქვეყანას შორის ივლისში ხუთდღიან კონფლიქტში გადაიზარდა, რომელსაც სულ მცირე 48 ადამიანის სიცოცხლე შეეწირა და დაახლოებით 300 000 ადამიანი გადაადგილდა იძულებით.

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას