საქართველოს პროკურატურამ სამსახურებრივი მდგომარეობის გამოყენებით დიდი ოდენობით თანხის მართლსაწინააღმდეგო მითვისებისა და უკანონო შემოსავლის ლეგალიზაციის ფაქტებზე, რასაც განსაკუთრებით დიდი ოდენობით შემოსავლის მიღება ახლდა თან, ერთი პირი დააკავა. საუბარია სამშენებლო კომპანია შპს „ისანი კომფორტის“ დირექტორზე, რომლის დანაშაულებრივმა სქემამ 70-ზე მეტი მოქალაქე დააზარალა.

პროკურატურა პირის ვინაობას არ ასახელებს, თუმცა სამეწარმეო რეესტრის მიხედვით დაკავებული გიორგი გუჯაბიძეა, რომელიც კომპანიის 49.99%-იანი წილის მფლობელია. საგამოძიებო წერს, რომ პირი 2025 წლის 2 დეკემბერს სასამართლოს განჩინების საფუძველზე დააკავეს.

გამოძიების მასალების თანახმად, შპს „ისანი კომფორტს“ თბილისში, მოსკოვის გამზირზე მრავალფუნქციური საცხოვრებელი კომპლექსი უნდა აეშენებინა.

პროკურატურის ინფორმაციით, სამშენებლო საქმიანობის წარმოების პროცესში, კომპანიის დირექტორმა, კუთვნილი თანხების დაუფლების მიზნით, სხვადასხვა კომპანია დააფუძნა. ამის შემდეგ, მან „ისანი კომფორტის“ საცხოვრებელ კომპლექსში ბინების შეძენისთვის 73 მოქალაქის მიერ გადახდილი ჯამში 3 596 254 ლარი პირად და მის მიერ დაფუძნებული კომპანიების საბანკო ანგარიშებზე გადარიცხა და პირადი მიზნებისთვის გამოიყენა.

• უძრავი ქონებები, ჯამში $160 000 და 23 290 ლარის ღირებულების;
• სასაქონლო მატერიალური ფასეულობები 83 560 ლარის ოდენობით.

გარდა მითვისებისა და ფულის გათეთრებისა, პროკურატურა ბრალდებულს თაღლითობასაც ედავება. საქმის მასალები ცხადყოფს, რომ მან მრავალფუნქციურ კომპლექსში ქონების შეძენით დაინტერესებულ მოქალაქეებთან ნასყიდობის ხელშეკრულებები გააფორმა და ორი მოქალაქის კუთვნილი ჯამში 119 273 ლარს მოტყუებით დაეუფლა. ამის შემდეგ, მან ეს უძრავი ქონებები სხვა პირებზე გაასხვისა.

პროკურატურა ბრალდებულს წარუდგენს ბრალდებას საქართველოს სისხლის სამართლის კოდექსის შემდეგი მუხლებით: 182-ე მუხლის მე-2 ნაწილის „დ“ და მე-3 ნაწილის „ბ“ ქვეპუნქტებით (მითვისება სამსახურებრივი მდგომარეობის გამოყენებით, დიდი ოდენობით); 194-ე მუხლის მე-3 ნაწილის „გ“ ქვეპუნქტით (უკანონო შემოსავლის ლეგალიზაცია, რასაც განსაკუთრებით დიდი ოდენობით შემოსავლის მიღება ახლდა თან); 180-ე მუხლის მე-3 ნაწილის „ა“ და „ბ“ ქვეპუნქტებით (თაღლითობა სამსახურებრივი მდგომარეობის გამოყენებით, დიდი ოდენობით).

წარდგენილი ბრალი სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა