გელაძე: პირადად გავეცანი დოკუმენტაციას და დარწმუნებით ვამბობ, შსს-ს არასდროს შეუსყიდია ე.წ. კამიტი

2025-12-02 12:33:02, 1750 ნახვა

პოლიტიკა

ქართული ოცნების შინაგან საქმეთა მინისტრი გელა გელაძე BBC-ის საგამოძიებო მასალას "აბსურდსა და სიცრუეს" უწოდებს.

ის ამტკიცებს, რომ პირადად გაეცნო ყველა დოკუმენტაციას, შესყიდვას და "სრული პასუხისმგებლობით ამბობს, რომ საქართველოში შსს-ს არასდროს შეუსყიდია ე.წ. კამიტი".

"გავრცელებული ბრალდება, რომელიც შეეხება შინაგან საქმეთა სამინისტროს მხრიდან აქციის მონაწილეების წინააღმდეგ აკრძალული ნივთიერების, ე.წ. კამიტის გამოყენებას, არის სრული აბსურდი, სიცრუე, არანაირ სიმართლეს არ შეესაბამება. მე პირადად გავეცანი ყველა დოკუმენტაციას, ყველა შესყიდვას, რომელიც კი განხორციელებულა ამ მიმართულებით და სრული პასუხისმგებლობით და დარწმუნებით შემიძლია გითხრათ, რომ არასდროს საქართველოში შინაგან საქმეთა სამინისტროს არ შეუსყიდია ე.წ. კამიტი", - ამბობს ის.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,