აზერბაიჯანის პოლიციამ სახელმწიფო გადატრიალების მცდელობის გამოძიების ფარგლებში მთავარი ოპოზიციონერი ლიდერის სახლში ჩხრეკა ჩაატარა. გავრცელებული ინფორმაციით, ოპოზიციონერი ალი ქარიმლი დაკავებულია - ინფორმაციას ამის შესახებ Reuters ავრცელებს. 

გამოცემის ცნობით, აზერბაიჯანის პოლიციამ 29 ნოემბერს ქვეყნის ერთ-ერთი მთავარი ოპოზიციური პარტიის ლიდერის, ალი ქარიმლის სახლში ჩხრეკა ჩაატარა, გამოძიების ფარგლებში, რომელიც პრეზიდენტ ილჰამ ალიევის გადაყენების მიზნით განხორციელებულ სახელმწიფო გადატრიალების მცდელობას ეხება. წყარომ, რომელიც აზერბაიჯანის მთავრობიდან, Reuters-ს განუცხადა, რომ ქარიმლის, რომელიც 2000 წლიდან ხელმძღვანელობს „აზერბაიჯანის სახალხო ფრონტის პარტიას“ (APFP), დაკავების გადაწყვეტილება დაკავშირებულია ყოფილი პრეზიდენტის, ჰეიდარ ალიევის დიდი ხნის მოკავშირის, რამიზ მეჰდიევის წინააღმდეგ მიმდინარე სისხლის სამართლის საქმესთან. აზერბაიჯანის სახელმწიფო უსაფრთხოების სამსახურმა ჩხრეკის შესახებ კომენტარი არ გააკეთა.

სოციალურ ქსელებში ვრცელდება ცნობები ოპოზიციონერი ლიდერის ალი ქარიმლის დაკავების შესახებაც.  Reuters ქარიმლის მოადგილემ, სეიმურ ჰაზიმ, განუცხადა, რომ „აზერბაიჯანის სახალხო ფრონტის პარტიის“ კიდევ ორი წევრუი: ფაიკ ამირლი და მამედ იბრაჰიმი დააკავეს.

ალი ქარიმლი აზერბაიჯანის პირველი პრეზიდენტის აბულფაზ ელჩიბეის დროს, სახელმწიფო მდივანი იყო. იგი თავს "ელჩიბეისტად" მიიჩნევს. 

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო