ბელგიის პოლიციამ ბრიუსელში კერძოდ კი სხარბეკის რაიონში ექვსი პირი დააკავა, ამის შესახებ ინფორმაციას BBC ავრცელებს.

მედია საშუალების ინფორმაციით, სამართალდამცველები დაკავებულების ვინაობას არ ასახელებენ და არ აკონკრეტებენ აქვთ თუ არა დაკავებულებს რამდენიმე დღის წინ მომხდარ ტერაქტებთან კავშირი.

აღსანიშნავია, რომ საფრანგეთის პოლიციამ პარიზში ანტიტერორისტული სპეცოპერაცია ჩაატარა. სპეცოპერაციის შედეგად თავდასხმაში ერთი ეჭვმიტანილი დააკავეს.

როგორც BBC საფრანგეთის შინაგან საქმეთა მინისტრზე, ბერნარ კაზნიოვზე დაყრდნობით წერს, ეჭვმიტანილი წარმოშობით ფრანგია და იგი თავდასხმის მცდელობის დროს დააკავეს. თუმცა, აქვს თუ არა კავშირი დაკავებულს ბრიუსელის ან პარიზის ტერაქტების სერიასთან, ჯერ უცნობია.

ცნობისთვის, სპეცოპერაცია გუშინ საღამოს ჩატარდა. ადგილობრივების თქმით, მათ ოპერაციის დროს აფეთქებების ხმა გაიგეს, თუმცა, მისი გამომწვევი მიზეზები არ იციან.

შეგახსენებთ, რომ გასული წლის ნოემბერში პარიზში მომხდარ ტერაქტებს 130 ადამიანი შეეწირა. რამდენიმე დღის წინ ბრიუსელში მომხდარი ტერაქტების სერიას კი ბოლო მონაცემებით, 31 ადამიანი ემსხვერპლა 270-მდე კი დაშავდა. ორივე ტერაქტის სერიაზე პასუხისმგებლობა "ისლამურმა სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა