"პუტინის რუსეთის მსგავსი ქვეყნები გაზს საგარეო პოლიტიკის ინსტრუმენტად იყენებენ" - ამის შესახებ ბრიტანეთის ენერგეტიკის მინისტრმა, ემბერ რუდიმ  ბრიტანულ-ნიდერლანდურ ელექტრო კომპანია "Britned"-ში განაცხადა.

მინისტრი მიიჩნევს, რომ ევროკავშირიდან გასვლის შემთხვევაში ბრიტანეთი შესაძლოა რუსულ გაზზე გახდეს დამოკიდებული.  მინისტრმა აღნიშნა, რომ რუსეთი გაზის შეტანას პოლიტიკურ ინსტრუმენტად გამოიყენებს.

"Brexit-მა შესაძლოა საფრთხის ქვეშ დააყენოს ბრიტანეთის ენერგოუსაფრთხოება მაშინ, როდესაც ევროკავშირი ლონდონს გაზის შეტანისას კონფლიქტის არსებობის შემთხვევაში ბევრად მომგებიან პოზიციებს სთავაზობს." - აცხადებს ემბერ რუდი.

ენერგეტიკის მინისტრის განცხადებით არ უნდა იქნეს დაშვებული, რომ  ბრიტანეთის ენერგეტიკული უსაფრთხოება პუტინის რუსეთმა პოლიტიკური მიზნებისთვის გამოიყენოს.

"ჩვენ ვხედავთ, რომ ისეთი ქვეყნები, როგორიც არის პუტინის რუსეთი, გაზის შეტანას საგარეო პოლიტიკის ინსტრუმენტად იყენებენ. მკვეთრად აძვირებენ ფასს ან სულაც წყვეტენ გაზის მიწოდებას. ჩვენ ვერ დავუშვებთ, რომ ჩვენი ენერგეტიკული უსაფრთხოება მოპარულ იქნას და გამოყენებულ იქნას პოლიტიკური მიზნებისთვის" – განაცხადა ენერგეტიკის მინისტრმა.

მან იქვე ბრიტანეთის ევროკავშირიდან გასვლით გამოწვეულ საშიშროებებზე ისაუბრა და აღნიშნა, რომ ევროკავშირიდან გასვლამ შესაძლოა ბრიტანეთში უცხოური კომპანიების ინვესტიციების განხორციელება შეაფერხოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა