ახალგაზრდა იურისტთა ასოციაციის ცნობით, სტრასბურგის სასამართლოში რუსული კანონის საქმეში უნგრეთის სამოქალაქო საზოგადოების ორგანიზაციებმა მესამე მხარედ ჩართვა მოითხოვეს და წერილობითი პოზიცია წარადგინეს.

საიას ცნობით, ორგანიზაციები საქართველოში მიღებულ კანონს უნგრეთში მიღებულს ადარებენ. მათი შეფასებით, ასეთი კანონები, ძირითადად, გაერთიანებისა და გამოხატვის თავისუფლების შეზღუდვას ემსახურებიან და დამატებით, ხშირად არღვევენ ადამიანის უფლებათა ევროპული კონვენციით გარანტირებულ სხვა უფლებებსაც, მათ შორის, პირადი და ოჯახური ცხოვრების დაცულობის უფლებას და სამართლებრივი დაცვის ქმედითი საშუალების უფლებას.

"უნგრული ორგანიზაციების წერილობით მოსაზრებაში ვკითხულობთ: მიუხედავად იმისა, რომ ასეთი კანონები ხშირად წარმოდგენილია როგორც „ეროვნული სუვერენიტეტის დაცვის“ ან „გამჭვირვალობის გაზრდის“ საშუალება, რეალურად, ისინი მიზნად ისახავენ კრიტიკული აზრის ჩახშობას და დემოკრატიული ინსტიტუტების დასუსტებას. 

ამ ტიპის საკანონმდებლო აქტებში გამოყენებული ბუნდოვანი სამართლებრივი ფორმულირებები ქმნიან თვითნებური ინტერპრეტაციის საფრთხეს, რაც არღვევს სამართლებრივი განსაზღვრულობის პრინციპს და აძლევს ხელისუფლებას შესაძლებლობას, სუბიექტურად გამოიყენოს კანონი ორმაგი სტანდარტებით. შესაბამისად, ეს კანონები მოქმედებენ, როგორც დაშინებისა და რეპრესიების ინსტრუმენტები". - წერს საია.

საიას განცხადებით, უნგრეთის სამოქალაქო საზოგადოების ორგანიზაციები სტრასბურგის სასამართლოს მიმართავენ, რომ საქართველოში მოქმედი კანონი „უცხოური გავლენის გამჭირვალობის შესახებ“ განიხილოს არა იზოლირებულად და ფორმალურად სამართლებრივად, არამედ, დამატებით გაითვალისწინოს მტრული კონტექსტის კუმულაციური, ურთიერთდაკავშირებული ეფექტები.

"მესამე მხარის მიერ ხაზგასმულია, რომ სამოქალაქო საზოგადოება აუცილებელი საზოგადოებრივი დარაჯია და მისი სტიგმატიზება, გაჩუმება ან მარგინალიზება ადამიანის უფლებათა ევროპული კონვენციის დემოკრატიულ საფუძვლებზე თავდასხმას წარმოადგენს". - წერია საია-ს განცხადებაში.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა