ვლადიმერ პუტინმა განაცხადა, რომ უარს ამბობს უკრაინაში საომარი მოქმედებების შეწყვეტაზე აშშ-ის ახალი სანქციების მიუხედავად და დაემუქრა „გამაოგნებელი რეაგირებით“ რუსეთის ტერიტორიაზე „ტომაჰავკის“ ტიპის საკრუიზო რაკეტების შესაძლო დარტყმებზე. მან ეს განცხადებები რუსეთის გეოგრაფიული საზოგადოების კონგრესზე დასწრების შემდეგ გააკეთა.

რუსეთის მიერ უკრაინაში საომარი მოქმედებების შეწყვეტის უხალისობის გამო აშშ-ის მიერ დაწესებული ახალი შეზღუდვების კომენტირებისას, პუტინმა აღნიშნა, რომ ამ ზომებს „ორი ასპექტი აქვს - წმინდა პოლიტიკური და ეკონომიკური“ და წარმოადგენს „ზეწოლის მცდელობას“. მან ასევე ხაზი გაუსვა, რომ „თვითპატივისცემის მქონე არცერთი ქვეყანა არასდროს იღებს რაიმე გადაწყვეტილებას ზეწოლის ქვეშ“, რითაც ფაქტობრივად უარყოფს ომის დასრულების შესაძლებლობას.

ვლადიმერ პუტინმა ასევე დაჰპირდა „ძლიერ, თუ არა განსაცვიფრებელ“ რეაგირებას რუსეთზე შესაძლო შორი დისტანციის დარტყმებზე, მათ შორის „ტომაჰავკის“ რაკეტებზე. „დაფიქრდნენ ამაზე“, - დაემუქრა მან. პუტინმა კიევისთვის „ტომაჰავკის“ რაკეტების მიწოდებაზე საუბარს „კონფლიქტის ესკალაციის მცდელობა“ უწოდა.

აშშ-ის პრეზიდენტის, დონალდ ტრამპის მიერ ბუდაპეშტის სამიტის გაუქმებაზე საუბრისას, პუტინმა განაცხადა, რომ ტრამპმა „სავარაუდოდ გადაწყვიტა შეხვედრის გადადება“. „(შეხვედრა - TMT) მზად უნდა იყოს. წინააღმდეგ შემთხვევაში, შეცდომა იქნებოდა შედეგების გარეშე დატოვება“, - თქვა მან. პუტინმა ასევე აღნიშნა, რომ „დიალოგი ყოველთვის ჯობია დაპირისპირებას და, განსაკუთრებით, ომს“.

23 ოქტომბერს ტრამპმა გამოაცხადა, რომ ბუდაპეშტში პუტინთან სამიტი არ ჩატარდებოდა, რადგან მხარეები „ვერ შეძლებდნენ თავიანთი მიზნების მიღწევას“. ამერიკელმა ლიდერმა დასძინა, რომ მას ყოველთვის ჰქონდა განცდა, რომ პუტინს „მთელი უკრაინის წართმევა სურს“, მაგრამ აშშ ამას არ დაუშვებს. „ჩვენ არ გვინდა, რომ მას ყველაფერი ჰქონდეს“, - ხაზგასმით აღნიშნა ტრამპმა.

შეხვედრის გაუქმებასთან ერთად, აშშ-მ გამოაცხადა სანქციები რუსეთის უმსხვილესი ნავთობკომპანიების - „როსნეფტისა“ და „ლუკოილის“ წინააღმდეგ. ტრამპმა ეს ახსნა იმით, რომ „დრო დადგა“ და გამოთქვა იმედი, რომ პუტინი „უფრო გონივრული გახდება“.

გასულ კვირას ტრამპმა და პუტინმა ტელეფონით ისაუბრეს და შეთანხმდნენ ბუდაპეშტში შეხვედრაზე, რათა განეხილათ უკრაინაში ომის დასრულების პირობები. მალევე, ამერიკულმა მხარემ შესთავაზა ფრონტის ხაზზე საომარი მოქმედებების შეწყვეტა - იდეა, რომელსაც კიევი მხარს უჭერდა, მაგრამ კრემლი კატეგორიულად უარყოფდა.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა