ისრაელმა ჰამასის გადაცემული ბოლო ორი მძევლის ცხედრები ამოიცნო.

2025-10-16 11:05:45, 1034 ნახვა

მსოფლიო

ისრაელის თავდაცვის ძალების (IDF) ცნობით, ისინი 27 წლის ინბარ ჰეიმანს და 39 წლის მუჰამედ ალ-ატრაშს ეკუთვნით.

სამხედროების ცნობით, ჰეიმანი ჰამასის მებრძოლებმა 2023 წლის 7 ოქტომბერს, ნოვას ფესტივალზე თავდასხმის დროს მოკლეს, მისი ცხედარი კი გაიტაცეს და ღაზას სექტორში გადაიყვანეს.

ჰეიმანი ანკლავში ჰამასის მიერ დაკავებული უკანასკნელი ქალი იყო.

IDF-ის შტაბის სერჟანტი ალ-ატრაში ასევე 7 ოქტომბერს, ნაჰალ ოზის რაიონში ჰამასთან ბრძოლის დროს მოკლეს და მისი ცხედარი ღაზას სექტორში გადაასვენეს.

ცეცხლის შეწყვეტის გეგმის პირველი ფაზის თანახმად, ჰამასი ვალდებული იყო ისრაელისთვის 28 გარდაცვლილი მძევლის ცხედარი გადაეცა, თუმცა 19 მათგანის ადგილსამყოფელი უცნობია.

ჰამასის წარმომადგენლებმა განაცხადეს, რომ დარჩენილი ცხედრების პოვნა და ამოღება „მნიშვნელოვან ძალისხმევას და სპეციალიზებულ აღჭურვილობას მოითხოვს“.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,