ყველა 20 მძევალი, რომლებიც, ტერორისტულ ორგანიზაცია ჰამას ჰყავდა მძევლად და ცოცხალია, გაათავისუფლეს. ისრაელის თავდაცვის ძალებმა დაადასტურეს, რომ ისინი სამხედროებს გადასცეს.

მძევლები ორ ჯგუფად დაიყვნენ: ჰამასმა ჯერ შვიდი გაათავისუფლა, შემდეგ კიდევ 13. დაღუპულთა ცხედრები ჯერ არ გადაეცათ ისრაელს.

ისრაელის თავდაცვის ძალებმა დაადასტურეს, რომ გათავისუფლებული ბოლო გადარჩენილი მძევლები ისრაელის ტერიტორიაზე ჩავიდნენ.

ეს 13 კაციანი მეორე და ბოლო ჯგუფია.

ასევე გათავისუფლდება ღაზას სექტორიდან 1700-ზე მეტი პატიმარი და ისრაელის ციხეებიდან 250 პალესტინელი პატიმარი. მედიასაშუალებებმა გამოაქვეყნეს ავტობუსების ფოტოები, რომლებიც, სავარაუდოდ, მათ ისრაელის ოფერის ციხიდან გადაჰყავდათ.

ღაზას სექტორში საავადმყოფოები მათი დაბრუნებისთვის ემზადებიან.

აშშ-ის პრეზიდენტი დონალდ ტრამპი ისრაელის პარლამენტში ჩავიდა, სადაც სიტყვით გამოვა. ის ასევე შეხვდება მძევლების ოჯახებს.

ტრამპმა ასევე გამოთქვა სურვილი, ეწვიოს ღაზას სექტორს და ზოგიერთი ცნობით, ისრაელის პრემიერ-მინისტრი ბენიამინ ნეთანიაჰუც მზადაა შეუერთდეს მას.

ავტორი: ექსპრესნიუსი,

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას