გასაგებია ნებისმიერი კითხვა 4 ოქტომბერთან დაკავშირებით და ისიც, რომ მოლოდინია, ორგანიზატორები რას იტყვიან, მაგრამ უნდა გვესმოდეს, ეს ადამიანები არიან ტყვეობაში, სადაც ყველა მათი სიტყვა, მათ შორის ადვოკატებთან იწერება და კონტროლდება, – ამის შესახებ „ნაციონალური მოძრაობის“ წევრი, ანა წითლიძე სოციალურ ქსელში წერს.

როგორც წითლიძე აღნიშნავს, ნებისმიერი მათი განცხადება „რეჟიმმა შეიძლება გამოიყენოს დაკავებულების წინააღმდეგ და დაკავებულთა წრის გასაზრდელად“.

ანა წითლიძე ამბობს, რომ დამუნათება და ისტერიკა უნდა შეწყდეს.

„ნებისმიერი მათი განცხადება, მითუმეტეს თუ აბსურდულ შეთქმულების თეორიებს გავყვებით, რეჟიმმა შეიძლება გამოიყენოს არა მხოლოდ უკვე დაკავებულების წინააღმდეგ ბრალის დასამძიმებლად, არამედ გაზარდოს დაკავებულების წრე!

ორგანიზატორებს საკუთარი თავები გადადებული აქვთ და არ ადარდებთ, 20 წელი ან უვადო რომ მოგვისაჯონ მაგსაც ველითო – ასეთია მათი განწყობა – მაგრამ დარდობენ იმ ადამიანებზე რომლებიც რეჟიმს ჰყავს ტყვედ 4 ოქტომბრის შემდეგ და რომელთა წინააღმდეგაც რეჟიმს შეუძლია ნებისმიერი ზედმეტი სიტყვა ორგანიზატორების მხრიდან, მათივე ბრალის დასამძიმებლად გამოიყენოს.

ეს ადამიანები, იქ, საპატიმროში უყურებენ ტელევიზორს და თითოული სიტყვა გარეთ რას ვიტყვით – არის მათთვის იმედი და მოტივაცია. ნუ, ვიზამთ ისე, გული გავუხეთქოთ ამ ხალხს.

მე არ მჯერა არანაირი შეთქმულების თეორიიის ლილუაშვილ/ყოფილებთან.

არც ხაბეს, არც მურთაზს, არც პაატას – არ გაუჭირდება, შესაბამის დროს, უპასუხონ კითხვებს რაც დაისვა.

ციხეში წავიდა ეს ხალხი და თავი გაწირა ამ პროცესში და რა უნდა იყოს კითხვა, რომელიც ამაზე მეტია და რთული საპასუხო?

შეწყვიტეთ ამ ადამიანების დამუნათება და ისტერიკა.

პ/ს, სანამ მე მითქვამს, 4 ოქტომბრამდე რას საქმიანობდით, 4 ოქტომბერი რომ არ შემდგარიყო!“, – წერს ანა წითლიძე.

ავტორი: ექსპრესნიუსი,

სოციალური ქსელები

ევროკავშირმა დაგმო ირანში რეპრესიები და სიკვდილით დასჯა

ტრამპი ევროპას - ჩვენ მხოლოდ უნდა ვთქვათ: „იცით რა? ჩვენ აღარ ვვაჭრობთ თქვენთან

კონგრესმა მიიღო კანონპროექტი ჯოჯოხეთური სანქციები“ რუსეთის წინააღმდეგ „ და დოკუმენტი ხელმოსაწერად ტრამპს გაუგზავნა

უკრაინელების მოკლული გენერალ-მაიორი ანტონ გრუნისი, საქართველოს წინააღმდეგ 2008 წელს ომობდა