აშშ-ის  ევროპული  სარდლობის მეთაურის  გენერალ ფილიპ ბრიდლავის განცხადებით, აშშ-თან და ნატო-სთან საქართველოს  კავშირი უფრო მჭიდრო უნდა გახდეს და ჩატარდეს წვრთნები იმისათვის, რომ  მსოფლიომ საქართველოსა და მისი სამეხდროების    ნატოსთან თავსებადობა   მკაფიოდ დაინახოს.

მისივე თქმით, ნატო-ს წევრ სახელმწიფოებს საერთო ღირებულებები და პრინციპები აკავშირებთ და ჩრდილოატლანტიკური ალიანსი მხოლოდ სამხედროთა გაერთიანება არ არის.

"მოვერიდებოდი პოლიტიკური პასუხის გაცემას, ვინაიდან  მე გახლავართ სამხედრო და პოლიტიკა არ არის ჩემი სიძლიერე. მნიშვნელოვანია, გავაგრძლოთ ის, რასაც ვაკეთებთ დღემდე. ეს გახლავთ დემონსტრაცია მთელი სამყაროსთვის, რომ საქართველოს  სამხედროები და საქართველო მჭიდრო კავშირს ესწრაფვის  არა მხოლოდ აშშ-თან, არამედ  ნატო-სთან, ნატო-ს  ალიანსთან მთლიანობაში. გავხადოთ უფრო მჭიდრო ეს კავშირები და ჩავატაროთ მეტი წვრთნა იმისთვის, რომ სამყარომ დაინახოს თვალნათლივ, რომ საქართველო და მისი სამხედროები არიან თავსებადები  ნატოსთან და ეს მათი მისწრაფებაა.

ხშირად წარმოიდგენენ ხოლმე, რომ ნატო-ს ალიანსი გახლავთ მხოლოდ სამხედროთა  ერთობა. რასაკვირველია, სამხედროები მნიშვნელოვან ნაწილს წარმოადგენენ ნატო-ს ალიანსის, მაგრამ  სინამდვილეში, ნატოს წევრი სახელწმიფოები ეს გახლავთ  ის ჯგუფი, რომელსაც აკავშირებს საერთო ღირებულებები  და პრინციპები. ეს ის პრინციპები და ღირებულებებია, რომელსაც  საქართველო იზიარებს და ზუსტად ამიტომ გამოთქვამს სურვილს, გახდეს  ნატოს წევრი სახელმწიფო. ღირებულებებისა და პრინციპების გამზიარებელი  სახლმწიფოები  ერთნაირად მოაზროვნე სახელწმიფოები  არის ზუსტად  ის ბირთვი, რომელიც ქმნის  სოლიდარობას", - განაცხადა   ფილიპ ბრიდლავმა რუსეთიდან მომავალ საფრთხეებზე  და  ბოლო პერიოდში  მუქარის შემცველი განცხადებების თაობაზე დასმულ კითხვაზე საპასუხოდ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა