რუსეთის პრეზიდენტმა ვლადიმერ პუტინმა ორშაბათს განაცხადა, რომ მოსკოვი ბირთვული იარაღის შეზღუდვებს კიდევ ერთი წლით დაიცავს თებერვალში სტრატეგიული შეიარაღების შემცირების ხელშეკრულების (START) ვადის ამოწურვის შემდეგ.

თუმცა, პუტინმა ხაზგასმით აღნიშნა, რომ მოსკოვის მიერ ხელშეკრულების შეზღუდვების დაცვა მხოლოდ იმ შემთხვევაში იქნება შესაძლებელი, თუ შეერთებული შტატები მსგავს ნაბიჯებს გადადგამს.

„ჩვენ გვჯერა, რომ ეს ზომა მხოლოდ იმ შემთხვევაში იქნება სიცოცხლისუნარიანი, თუ შეერთებული შტატები ანალოგიურად იმოქმედებს და არ გადადგამს ნაბიჯებს, რომლებიც ძირს უთხრის ან არღვევს შეკავების პოტენციალის არსებულ ბალანსს“, - განაცხადა რუსეთის პრეზიდენტმა რუსეთის უშიშროების საბჭოს წევრებთან შეხვედრაზე სიტყვით გამოსვლისას.

ახალი START ხელშეკრულება, რომელსაც 2010 წელს აშშ-სა და რუსეთის პრეზიდენტებმა ბარაკ ობამამ და დიმიტრი მედვედევმა მოაწერეს ხელი, თითოეულ მხარეს 1550 ბირთვული ქობინით და 700 კონტინენტთაშორისი ბალისტიკური რაკეტით, წყალქვეშა ნავებიდან გასაშვები ბალისტიკური რაკეტებით და მძიმე ბომბდამშენებით ზღუდავს.

ხელშეკრულების ვადის ამოწურვის მოახლოება და მისი მემკვიდრის უზრუნველსაყოფად დიალოგის არარსებობა იარაღის კონტროლის დამცველებს აწუხებს.

შეთანხმება ითვალისწინებს ადგილზე შემოწმებას შესაბამისობის დასადასტურებლად, თუმცა ეს 2020 წლიდან არ ჩატარებულა.

2023 წლის თებერვალში პუტინმა შეაჩერა მოსკოვის მონაწილეობა ხელშეკრულებაში და განაცხადა, რომ რუსეთს არ შეეძლო აშშ-სთვის მის ბირთვულ ობიექტებზე შემოწმების ჩატარების უფლების მიცემა იმ დროს, როდესაც ვაშინგტონი და მისი ნატოს მოკავშირეები ღიად აცხადებენ, რომ რუსეთის დამარცხება უკრაინაში მათი მიზანია.

თუმცა, მოსკოვმა ხაზგასმით აღნიშნა, რომ არ აპირებს ხელშეკრულებიდან სრულად გასვლას და გააგრძელებს ხელშეკრულებით გათვალისწინებული ბირთვული იარაღის შეზღუდვების დაცვას.

ხელშეკრულების შეჩერებამდე მოსკოვმა განაცხადა მისი შენარჩუნების სურვილი, მიუხედავად იმისა, რომ ის აშშ-ს „დესტრუქციულ“ მიდგომას უწოდებს შეიარაღების კონტროლის მიმართ.

კრემლის პრესმდივანმა დიმიტრი პესკოვმა ჟურნალისტებს განუცხადა, რომ აუცილებელი იყო ვაშინგტონთან დიალოგის გაგრძელების „მინიშნებების“ შენარჩუნება, „რაოდენ მძიმეც არ უნდა იყოს სიტუაცია“.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა