ბელგიის პოლიციამ ბრიუსელის აეროპორტში და სკარბეკის რაიონში მდებარე საცხოვრებელ სახლში ასაფეთქებელი ნივთიერებები აღმოაჩინა, - ამის შესახებ ინფორმაციას Derniere Heure ავრცელებს.

როგორც მედია საშუალება იტყობინება, ტაქსის მძღოლი სამართალდამცველებს ტერაქტის შემდეგ რამდენიმე საათში დაეკონტაქტა. სააგენტოს ცნობით, ტაქსის მძროლმა გაიხსენა, რომ ტერაქტის განხორციელებამდე 1 საათით ადრე მან 3 ახალგაზრდა აეროპორტში მიიყვანა.

მძღოლის ინფორმაციით, ეჭვმიტანილებს საკმაოდ ბევრი ბარგი ჰქონდათ, აეროპორტის კამერების ჩანაწერებზე კი მხოლოდ 3 ჩანთა არის ასახული. სამართალდამცველების ინფორმაციით, სწორედ ტაქსის მძღოლი დაეხმარა პოლიციას კიდევ ერთი ასაფეთქებელი მოწყობილობის პოვნაში.

ცნობისთვის, ტაქსის მძღოლმა ბინის მისამართიც მიაწოდა სამართალდამცველებს. პოლიციამ მოგვიანებით ამ ბინაში კიდევ რამდენიმე ასაფეთქებელი მოწყობილობა იპოვა. როგორც მძღოლი აცხადებს, ეჭვმიტანილებს ყველა ჩანთის წამოღება თან უნდოდათ, თუმცა ადგილის სიმცირის გამო მძღოლმა მათ ნება არ დართო. გარდა ასაფეთქებელი მოწყობილობებისა ბინაში "ისლამური სახელმწიფოს" დროშაც იპოვეს.

როგორც პოლიციაში აცხადებენ, სამართალდამცველები Renault Clio და Audi S4 ეძებენ, რომლებიც ბელგიის პროვინციაში მცხოვრობ ტერორიზმში ეჭვმიტანილს ეკუთნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა