„ნაციონალური მოძრაობის“ პოლიტსაბჭოს წევრი, ლაშა ფარულავა, აცხადებს, რომ „ბიძინა ივანიშვილმა სანქციების გამო დაკარგული ფულის ამოღება ირაკლი კობახიძესა და მამუკა მდინარაძეს დაავალა“. ამის შესახებ ფარულავა სოციალურ ქსელში წერს და 624 მილიონი აშშ დოლარისა და 35 მილიონი ევროს უკანონო შემოსავლის ლეგალიზაციის ფაქტზე ერთი პირის დაკავებას ეხმაურება.

მისი თქმით, „ხაბეიშვილი მხოლოდ იმის გამო გაუშვეს ციხეში, რომ საზოგადოებას არ მოუყვეს ივანიშვილის რეჟიმის კორუფციული მასშტაბებისა და სიღრმის შესახებ“.

„პროკურატურა პირდაპირ ადასტურებს, რომ ივანიშვილის ორჯერ „ნაკურთხმა“ პრემიერმა და ძალოვანი უწყებების „მამებმა“ მილიარდობით ლარი გაიტანეს ქვეყნიდან და ფარისევლურად გვიმტკიცებენ, თითქოს კორუფციას ებრძვიან“, - წერს ფარულავა და განმარტავს, რომ ხაბეიშვილმა პირდაპირ ეთერში დაასახელა 600 მილიონი - „ბიძოსთან“ მისატანი ფულის ოდენობა.

მისი თქმით, ეს ფული ქართველი ხალხის ჯიბიდან არის მოპარული.

„ეს არის „ქართული ოცნების“ და ივანიშვილის კლანური პოლიტიკა, რომელმაც ქვეყანა ინფლაციამდე, მაღალ ფასებამდე და სიღარიბემდე მიიყვანა. ეს არის ანტიქართული, კრიმინალური მმართველობა, რომელმაც საქართველო ქართველებისგან დაცალა, ხალხი ბანკის ვალებში ჩაფლო, ხოლო ახალგაზრდობა ნარკომანიით გაანადგურა, რაც თავად ივანიშვილის კლანის ბიზნესად იქცა“, - აცხადებს ლაშა ფარულავა.

მისივე თქმით, ხაბეიშვილი უკანონოდ გამოკეტეს ციხეში და საზოგადოებასთან წერილობითი კონტაქტის უფლებაც ჩამოართვეს. „ივანიშვილი სიტუაციას ვეღარ აკონტროლებს, მისი ძალაუფლება არაფერზე აღარ დგას. სწორედ ამაზე გესაუბრებოდა „ხაბე“, - წერს ფარულავა.

ის აცხადებს, რომ „ივანიშვილის ერთადერთი საყრდენი დღეს არის შიში და უიმედობა“.

„ივანიშვილის გუნდი გახლეჩილი და დაშლილია! 4 ოქტომბერს ვიწყებთ და ივანიშვილს ვამთავრებთ!” - დასძენს ლაშა ფარულავა.

ცნობისთვის, საქართველოს პროკურატურამ სახელმწიფო უსაფრთხოების სამსახურთან ერთად 2022-2024 წლებში განხორციელებული, უპრეცედენტო ოდენობის - 624 მილიონი აშშ დოლარისა და 35 მილიონი ევროს უკანონო შემოსავლის ლეგალიზაციის ფაქტი გამოავლინა. ფულის გათეთრების ბრალდებით დაკავებულია ერთი პირი, რომლის ვინაობასაც უწყება არ ასახელებს.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს