ამერიკელი ბლოგერის და ულტრამემარჯვენის ჩარლი კირკის მკვლელი 22 წლის ტაილერ რობინსონი იყო, რომელიც საკუთარმა მამამ პოლიციას ჩააბარა.

როგორც ამბობენ, მკვლელმა მას თავისი დანაშაულის შესახებ უამბო, რის შემდეგაც მამამისმა ის სახლში პოლიციის მოსვლამდე დააკავა.

ამერიკული მედია წერს, რომ რობინსონების ოჯახი სადაც ახალგაზრდა დაიბადა არის კონსერვატორი და მორწმუნე. მეტიც ტაილერ რობინსონის მამა რესპუბლიკური პარტიის აქტიური მხარდამჭერია.

ჩარლი კირკის მკვლელობის საქმეში გამოყენებულ ვაზნებზე პროვოკაციული წარწერები აღმოჩნდა.

გუბერნატორის განცხადებით, ვაზნებზე რომლითაც მოკლეს მემარჯვენე აქტივისტი ჩარლი კირკი, აღმოჩნდა პროვოკაციული წარწერები. მათ შორის იყო:

„თუ ამას კითხულობ, გეი ხარ, lol“

„ჰეი, ფაშისტო! დამიჭირე!“

„Bella ciao, bella ciao, bella ciao, ciao, ciao“ – და მორიგე სტრიქონები მეორე მსოფლიო ომის იტალიური ანტისაფაშისტო სიმღერიდან.

აშშ-ის პრეზიდენტმა დონალდ ტრამპმა დაადასტურა, რომ იუტაში დააკავეს კონსერვატორი აქტივისტის, ჩარლი კირკის მკვლელობაში ეჭვმიტანილი, იუწყება Fox News.

„მაღალი ხარისხით დარწმუნებით შემიძლია ვთქვა, რომ ის დააკავეს“, თქვა მან. ტრამპს არ დაუსახელებია ეჭვმიტანილის ვინაობა და არც ის, თუ როგორ განხორციელდა დაკავება. მან მხოლოდ ის თქვა, რომ დაკავება 11 სექტემბერს საღამოს მოხდა. იმ დღეს აშშ-ის გამოძიების ფედერალურმა ბიურომ (FBI) გამოაქვეყნა კირკის მკვლელობასთან დაკავშირებით ძებნილი მამაკაცის ფოტო და 100 000 დოლარის ჯილდო დააწესა ინფორმაციისთვის, რომელიც გამოძიებას დაეხმარება.

31 წლის ჩარლი კირკი, პოპულარული პოდკასტისა და რადიოპროგრამა „ჩარლი კირკის შოუს“ წამყვანი, აშშ-ის პრეზიდენტ დონალდ ტრამპის ახლო მოკავშირედ ითვლებოდა. ოთხშაბათს, 10 სექტემბერს, იუტის უნივერსიტეტში გამოსვლისას მას კისრის არეში ესროლეს და ის მოგვიანებით გარდაიცვალა საავადმყოფოში. ტრამპმა დანაშაულს „ჯოჯოხეთური“ უწოდა.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა