საქართველოს 21-წლამდელთა ნაკრების ფეხბურთელმა, ვახო ბედოშვილმა, სამწლიან კონტრაქტს მოაწერა ხელი რუსეთის კლუბთან — „პარი ნიჟნი ნოვგოროდთან“.

თუმცა, როგორც გაირკვა, მას უკვე მოქმედი ხელშეკრულება ჰქონდა ქართულ კლუბ FC ORBI-სთან.

"მიხარია, რომ ნიჟნი ნოვგოროდთან კონტრაქტი გავაფორმე. აქ ბევრი ჩემი ნათესავი ცხოვრობს და ადაპტაცია უფრო მარტივი იქნება ვიდრე სხვა რომელიმე ევროპულ კლუბში. რუსულ პრემიერ ლიგაში ბევრ ქართველს უთამაშია — ბოლო მაგალითია ხვიჩა კვარაცხელია, რომელმაც აქ თავი შესანიშნავად წარმოაჩინა და შემდეგ ნაბიჯი გადადგა მსოფლიო ფეხბურთში." - აცხადებს ვახო ბედოშვილი

კლუბის ოფიციალური განცხადების მიხედვით, ბედოშვილი ORBI-სთან კონტრაქტით იყო დაკავშირებული 2026 წლის 31 დეკემბრამდე. ახალგაზრდულ ევროზე გამოსვლის შემდეგ, კლუბს ფეხბურთელის ტრანსფერზე რამდენიმე ევროპული კლუბისგან ოფიციალური წინადადება ჰქონდა მიღებული. ერთ-ერთ მათგანთან როგორც ტრანსფერის, ისე შრომითი ხელშეკრულების პირობები შეთანხმებული იყო, ხელმოწერაც დაგეგმილი იყო.

მიუხედავად ამისა, ფეხბურთელი ORBI-ს თანხმობის გარეშე გაემგზავრა რუსეთში და მას შემდეგ კლუბთან კავშირი აღარ ჰქონია.

რამდენიმე დღის წინ ORBI-მ მიიღო შეტყობინება, რომ ბედოშვილმა ცალმხრივად გააუქმა შრომითი ხელშეკრულება და დარეგისტრირდა „პარი ნიჟნი ნოვგოროდში“.

ORBI აცხადებს, რომ
საჩივარს წარადგენს FIFA-ში და სამართლებრივ დავას დაიწყებს ფეხბურთელის და რუსული კლუბის წინააღმდეგ.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო