ოთხშაბათს, ტრამპის ადმინისტრაციამ განაცხადა, რომ სანქციებს უწესებს დამოუკიდებელ გამომძიებელს, რომელიც პალესტინის ტერიტორიებზე ადამიანის უფლებების დარღვევებს იძიებს.

როგორც სახელმწიფო დეპარტამენტის განცხადებაშია ასახული, „შეერთებულმა შტატებმა არაერთხელ დაგმო და გააპროტესტა ალბანეზეს მიკერძოებული და მავნე საქმიანობა, რამაც დიდი ხანია ის სპეციალური მომხსენებლის თანამდებობაზე მუშაობისთვის შეუფერებლად აქცია. ალბანეზემ გამოხატა უსირცხვილო ანტისემიტიზმი, ტერორიზმის მხარდაჭერა და შეერთებული შტატების, ისრაელისა და დასავლეთის მიმართ ღია ზიზღი. ეს მიკერძოება აშკარა იყო მისი კარიერის განმავლობაში, მათ შორის რეკომენდაციით, რომ ისრაელის პრემიერ-მინისტრის, ბენიამინ ნეთანიაჰუს და ყოფილი თავდაცვის მინისტრის, იოავ გალანტის დაპატიმრებისთვის საერთაშორისო სისხლის სამართლის სასამართლოს საკითხთან დაკავშირებული ორდერი იურიდიული საფუძვლის გარეშე დაწესდეს“.

ეს მოხდა მაშინ, როდესაც ისრაელის პრემიერ-მინისტრი ბენიამინ ნეთანიაჰუ აშშ-ის პრეზიდენტ დონალდ ტრამპთან ერთად ღაზაში ცეცხლის შეწყვეტისა და ტერორისტული დაჯგუფება „ჰამასის“ მიერ მძევლების გათავისუფლების საკითხებს განიხილავს.

ჯერჯერობით უცნობია, რა პრაქტიკული შედეგები მოჰყვება სანქციებს და შეძლებენ თუ არა ალბანელები შეერთებულ შტატებში ვიზიტს.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა