7 ივლისი იოანე ნათლისმცემლის დაბადების დღეა, რომელსაც მთელი მართლმადიდებული სამყარო ზეიმობს. ამ განსაკუთრებულ დღეს, გურჯაანის რაიონის სოფელ ვაზისუბნის ღვისმშობლის მიძინების ტაძრის ეზოში წარმატებული ღონისძიება ჩატარდა.

მამა გრიგოლ მთავარელიშვილის მიერ შესრულებული წირვის შემდეგ, ეკლესიის ეზოში ღონისძიება გაიმართა, რომლის ამომავალი წერტილი ბავშვებზე ზრუნვა და მათთვის სიხარულის მინიჭება იყო.

ღონისძიების ორგანიზატორი იყო "ონკოლაინ ჯორჯია" - საზოგადოებრივი ორგანიზაცია, რომელიც 8,100+ წევრს აერთიანებს და მიზნად ისახავს ონკოპაციენტების, შშმ პირებისა და სხვადასხვა ინკლუზიური ჯგუფების სოციალიზაციასა და აქტიურ ცხოვრებაში ჩართულობას.

მიმდინარე წელს ონკოლაინ ჯორჯია ახალ ეტაპზე გადადის და აფუძნებს მწვანე სოციალურ საწარმოს - "კახეთი ივენთს", რომელიც შეიქმნა ევროკავშირის მიერ მხარდაჭერილი SKYE NET პროექტის ფარგლებში, რომელსაც ახორციელებდა World Vision საქართველო. ჩვენი ინიციატივა ახალგაზრდული სოციალური მეწარმეობის კონკურსში ერთ-ერთ გამარჯვებულად დასახელდა და სექტემბრის ბოლოს სოციალური საწარმოს ოფიციალურად ვხსნით. "კახეთი ივენთი" მომავალში განახორციელებს ეკოლოგიურად სუფთა, ცირკულარულ მასალებზე დაფუძნებულ ივენთ საქმიანობას და ადგილობრივი ეკონომიკის გაძლიერებასა და ახალგაზრდების დასაქმებას შეუწყობს ხელს.

მამა გრიგოლ მთავარელიშვილის ხელმძღვანელობით და აქტიური ჩართულობით ნათლისმცემლობის დღესასწაულის ორგანიზების პროცესი იყო საინტერესო და განსაკუთრებული, აღნიშნული თბილი ატმოსფერო ყველა სტუმარსა თუ ღონისძიების მონაწილეს თავს კომფორტულად აგრძნობინებდა.

მადლობა ჩვენს პარტნიორ კომპანიებს - მადარტი, პეპელა,წინანდლის მამული და გუდვილი - რომლებმაც დაგვანახეს, რომ ბიზნესისა და საზოგადოების ერთობა შეუძლია რეალური ცვლილებების მოტანა.

ონკოლაინ ჯორჯიას გუნდი აცხადებს, რომ აგრძელებს ასეთი პროექტების ორგანიზებას, სადაც ბიზნეს კომპანიები და საზოგადოებრივი ორგანიზაციები ერთობლივად მუშაობენ საზოგადოების სიკეთისთვის.

ავტორი: R (რეკლამა),

სოციალური ქსელები

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას

მოზარდი, რომელსაც მკვლელობისთვის წარდგენილი ბრალი შეუმსუბუქდა, პატიმრობიდან გაათავისუფლეს