უკრაინას არ მიუღია ოფიციალური ინფორმაცია აშშ-გან შეთანხმებული თავდაცვის დახმარების შეჩერების შესახებ, ახლა ეს საკითხი პირდაპირ ამერიკელებთან გაირკვევა, – ამის შესახებ აღნიშნულია უკრაინის თავდაცვის სამინისტროს განცხადებაში.

უკრაინის თავდაცვის სამინისტრომ დეტალების დაზუსტების მიზნით, შეერთებული შტატების კოლეგებთან სატელეფონო საუბარი მოითხოვა.

განცხადების თანახმად, ამერიკელ პარტნიორებთან კონტაქტების შედეგები დამატებით გახდება ცნობილი უკრაინის თავდაცვისა და საგარეო საქმეთა სამინისტროების დონეზე.

ამავდროულად, უწყებამ აღნიშნა, რომ „უკრაინაში გარკვეულ პირებს“, რომლებიც ობიექტური მიზეზების გამო აკეთებენ კომენტარს სიტუაციაზე, არ აქვთ ყველა ფაქტობრივი მონაცემი“.

„უკრაინისთვის კრიტიკულად მნიშვნელოვანია, შეინარჩუნოს მდგრადობა, უწყვეტობა და პროგნოზირებადობა შეთანხმებული თავდაცვის დახმარების გაწევისას, განსაკუთრებით საჰაერო თავდაცვის სისტემების გაძლიერების სფეროში. ჩვენ მადლიერნი ვართ შეერთებული შტატების მხარდაჭერისთვის და დიდად ვაფასებთ ჩვენი ამერიკელი პარტნიორების ძალისხმევას, რომელიც მიმართულია რეალური მშვიდობის მისაღწევად. ჩვენ ხაზგასმით აღვნიშნავთ, რომ ომის დასრულების გზა აგრესორზე თანმიმდევრული და ერთობლივი ზეწოლისა და უკრაინის მხარდაჭერის გაგრძელების გზით გადის“, – აღნიშნულია გაცხადებაში.

მანამდე გავრცელდა ინფორმაცია, რომ აშშ-ის თავდაცვის დეპარტამენტმა უკრაინისთვის გარკვეული ტიპის სამხედრო აღჭურვილობის მიწოდება შეუჩერა.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა