ბრიუსელში, მოლენბეკის რაიონში ჩატარებული სპეცოპერაციის შედეგად, 13 ნოემბრის პარიზის ტერაქტებში ერთ-ერთი მთავარი ეჭვმიტანილი სალეჰ აბდესლამი ფეხში დაიჭრა, - ამის შესახებ ინფორმაციას BBC ავრცელებს.

მედია საშუალების ინფრომაციით ის, საავადმყოფოში გადაიყვანეს.

აბდესლამი პარიზში მომხდარი ტერაქტების შემდეგ ძებნაში იყო გამოცხადებული. ის ანტიტერორისტული სპეც-ოპერაციის ჩატარებისას დაიჭირეს, რომელიც ბელგიაში პარიზის ტერაქტის შემდეგ მიმდინარეობს.

ცნობისთვის, სპეც-ოპერაცია მოლენბეკის რაიონში გამიზნულად მიმდინარეობს, რადგან გამოძიების ინფორმაციით ტერაქტის ორგანიზატორები და მონაწილეები სწორედ ამ რაიონიდან არიან.

როგორც BBC იუწყება, აბდესლამის გარდა, კიდევ ერთი პირია დაკავებული, თუმცა მისი ვინაობა ჯერ არ სახელდება. მესამე ტერორისტი სპეც-ოპერაციის ჩატარების დროს, სროლის შედეგად გარდაიცვალა.

ცნობისთვის, მოლენბეკის რაიონში ანტიტერორისტული ოპერაცია პარასკევს დაიწყო. საფრანგეთის პრეზიდენტი ფრანსუა ოლანდი ამჟამად ბრიუსელში იმყოფება.

BBC თანახმად, ბევრი დამკვირვებელი ფიქრობს, რომ სალაჰ აბდესლამის დაკავება ტერორიზმთან საერთაშორისო ბრძოლის თვალსაზრისით, უდიდესი მოვლენაა. ის ევროპაში ერთ-ერთ ყველაზე საშიშ ტერორისტად მიაჩნდათ. აბდესლამი ბოლო ცოცხალი მონაწილეა, ვინც 2015 წლის ნოემბერში პარიზის ტერაქტების ორგანიზატორი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა