2025-06-20 17:05:00, 1098 ნახვა
სამართალი
მარნეულში, საარჩევნო ყუთში ბიულეტენების ჩაყრისთვის 2 პირს 1-1 წლით პატიმრობა მიესაჯა
მარნეულში, საარჩევნო ყუთში ბიულეტენების ჩაყრისთვის 2 პირს, როვშან და ეთიბარ ისკანდაროვებს 1-1 წლით პატიმრობა მიესაჯა - ინფორმაციას რადიო მარნეული ავრცელებს.
გამოძიება სსკ-ს 164³ მუხლით მიმდინარეობდა, რაც არჩევნებთან დაკავშირებული დოკუმენტების: საარჩევნო სიების, ოქმების, ბიულეტენების, სარეგისტრაციო ჟურნალების და საკონტროლო ფურცლების განზრახ გაყალბებას გულისხმობს.
ისკანდაროვები 2024 წლის 31 ოქტომბერს დააკავეს. საარჩევნო უბნის შედეგები კი ბათილად გამოცხადდა.
მათ სადახლოში გახსნილ N69 საარჩევნო უბანზე, საარჩევნო ყუთში ბიულეტენები ჩაყარეს.
ავტორი: ექსპრესნიუსი,
epn.ge (@expressnews.ge)
