გენერალ გიორგი კვინიტაძის სახელობის კადეტთა სამხედრო ლიცეუმი ახალ სასწავლო წელს სიახლით ხვდება.

თავდაცვის სამინისტროს ინფორმაციით, სექტემბრიდან სამხედრო სასწავლებელში ცხრაკლასდამთავრებულ გოგონებსაც შეეძლებათ სწავლა.

დღეს აღნიშნული სიახლის შესახებ ინფორმაცია თავდაცვის მინისტრის მოადგილემ ანა დოლიძემ საქართველოს პრეზიდენტის ადმინისტრაციის უფროსს გიორგი აბაშიშვილს ლიცეუმში სტუმრობისას მიაწოდა.

„წელს სიახლე გვაქვს. სექტემბრიდან მივიღებთ გოგონებს და ეს ჩვენ, ნამდვილად,  რეგიონში ამ მხრივ ლიდერად გვაქცევს. ეს იქნება უნიკალური ადგილი, სადაც მზადდებიან როგორც გოგონები, ისე ვაჟები ბრწყინვალე სამხედრო კარიერისთვის“, - აღნიშნა ანა დოლიძემ.

სტუმრები კადეტთა სამხედრო ლიცეუმის დირექტორმა, პოლკოვნიკმა ალექსი კეკელიამ მიიღო და სასწავლებლის ინფრასტრუქტურა დაათვალიერებინა.   მოგვიანებით ანა დოლიძე და გიორგი აბაშიშვილი სამხედრო ლიცეუმის პედაგოგებს შეხვდნენ და ადგილზე დააკვირდნენ კადეტთა სასწავლო პროცესს.

„კადეტთა სამხედრო ლიცეუმი უმაღესი დონის საშუალო საგანმანათლებლო სასწავლებელია. ჩვენ დაახლოებით 10 000 ლარს ვხარჯავთ თითოეულ მოსწავლეზე. ლიცეუმი საქართველოში საუკეთესო სკოლებს შორის ერთ-ერთია. შესაბამისად, ჩვენთვის მნიშვნელოვანია, მოვიზიდოთ ისეთი ახალგაზრდები, რომლებიც მოტივირებულნი არიან, გახდნენ სამხედრო მოსამსახურეები მომავალში“, - განაცხადა ანა დოლიძემ. 

სამხედრო სასწავლებელში სტუმრობისას გიორგი აბაშიშვილმა პრეზიდენტის ადმინისტრაციასა და კადეტთა სამხედრო ლიცეუმს შორის სამომავლო თანამშრომლობის შესახებ ისაუბრა და ლიცეუმის პრიორიტეტებზე გაამახვილა ყურადღება. 

„ძალიან მნიშვნელოვანია, რომ მომავალი წლიდან სიახლე ინერგება. პრეზიდენტის ადმინისტრაცია ვცდილობთ ჩვენი წვლილი შევიტანოთ ამ თვალსაზრისით. ჩვენ მნიშვნელოვან დახმარებას გავუწევთ პირველ ეტაპზე ლიცეუმის ბიბლიოთეკას. ასევე, ლიცეუმის ადმინისტრაციასთან ერთად განვიხილავთ ყველა შესაძლებლობას, თუ როგორ შეიძლება უფრო მეტად გამჯობესებელი იყოს პირობები“, - აღნიშნა გიორგი აბაშიშვილმა.

მისივე თქმით,  ლიცეუმი საუკეთესოა საქართველოში, რომელიც ინფრასტრუქტურით, სწავლის ხარისხთ, წესრიგით, პერსპექტივით ნებისმიერ კერძო და საჯარო სკოლებს გაუწვეს კონკურენციას.

სტუმრობის ბოლოს კადეტთა სამხედრო ლიცეუმის დირექტორმა, პოლკოვნიკმა ალექსი კეკელიამ გიორგი აბაშიშვილს სამახსოვროდ გენერალ გიორგი კვინიტაძის სურათი გადასცა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა