საქართველოს ეროვნულმა თავდაცვის აკადემიამ ნატო-ს მაღალჩინოსნებს უმასპინძლა

2016-03-17 18:42:01, 1137 ნახვა

სამხედრო

დავით აღმაშენებლის სახელობის საქართველოს ეროვნულ თავდაცვის აკადემიას ნატო-ს სამხედრო პარტნიორობის მაღალი რანგის სამხედროები ეწვივნენ.

როგორც "ექსპრესნიუსს" თავდაცვის სამინისტროდან აცნობეს, აკადემიის წარმომადგენლებმა სტუმრებს აკადემიის საქმიანობა, არსებული სკოლები და საგანმანათლებლო სისტემა გააცნეს. შეხვედრის დასრულების შემდეგ სტუმრებმა აკადემიის ინფრასტრუქტურა დაათვალიერეს.

თავდაცვის სამინისტროს ინფორმაციით, ნატო-ს სამხედრო პარტნიორობის მაღალი რანგის ოფიცრები საქართველოში კოორდინაციის ყოველწლიური სამუშაო შეხვედრის ფარგლებში იმყოფებიან.

მრავალეროვნული ღონისძიება - სამხედრო პარტნიორობის დირექტორატის ორგანიზებით ტარდება.
ღონისძიების ფარგლებში თბილისში ჩამოსულმა ნატო-ს მაღალჩინოსანმა სამხედროებმა თავდაცვის მინისტრთან შეხვედრა გამართეს და არსებითი პაკეტის ფარგლებში შექმნილი წვრთნებისა და შეფასების ერთობლივი ცენტრი (JTEC) დაათვალიერეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან