რუსეთმა თბილისში შვეიცარიის საელჩოს რუსეთის ინტერესების სექციის ახალი ხელმძღვანელი დანიშნა. თანამდებობას დმიტრი ოლისოვი დაიკავებს.

ამის შესახებ რუსეთის საგარეო საქმეთა სამინისტრომ განცხადება 2 ივნისს გაავრცელა.

რუსეთის საგარეო საქმეთა სამინისტროს ცნობით, ოლისოვმა 2002 წელს დაამთავრა მოსკოვის საერთაშორისო ურთიერთობების სახელმწიფო ინსტიტუტი. ასევე აღნიშნულია, რომ ოლისოვმა იცის ინგლისური, ლატვიური და გერმანული ენები, აქვს პირველი კლასის მრჩევლის დიპლომატიური რანგი.

"დიპლომატიურ სამსახურში მუშაობს 2002 წლიდან, მუშაობდა სხვადასხვა თანამდებობებზე სამინისტროს ცენტრალურ აპარატსა და საზღვარგარეთ: ლატვიის რესპუბლიკაში, ლიეპაეში რუსეთის ფედერაციის გენერალურ საკონსულოში (2002-2005 წლებში), ბრიუსელში რუსეთის ფედერაციის მუდმივ წარმომადგენლობაში ევროკავშირსა და ატომური ენერგიის ევროპულ თანამეგობრობასთან (2008-2010 წლები), გერმანიის ფედერაციულ რესპუბლიკაში რუსეთის ფედერაციის საელჩოში (2014-2019 წლებში). 2019 წლის დეკემბრიდან - დსთ-ს ქვეყნების მეოთხე დეპარტამენტის განყოფილების ხელმძღვანელი." - წერია რუსეთის საგარეო საქმეთა სამინისტროს განცხადებაში.

აქამდე, გასული თვის დასაწყისში რუსეთის ინტერესების სექციის მეთაურმა, დმიტრი ტროფიმოვმა თქვა, რომ თანამდებობა დატოვა. რუსეთის საგარეო საქმეთა სამინისტროში ამბობდნენ, რომ ეს დაგეგმილი როტაცია იყო.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია