უნგრეთის პრემიერ-მინისტრის, ვიქტორ ორბანის განცხადებით, დარწმუნებულია, რომ უკრაინის ევროკავშირში გაწევრიანებასთან დაკავშირებით დაგეგილ გამოკითხვაში უნგრელები მხარს დაუჭერენ მთავრობის პოზიციას და ხმას უკრაინის ბლოკში გაწევრიანების წინააღმდეგ მისცემენ.

მედიის ინფორმაციით, ორბანმა განაცხადა, რომ უკრაინას, გრძელვადიან პერსპექტივაში, სურს მილიონიანი არმიის შენარჩუნება და ევროპელებს მოუწევთ ამ არმიის შენახვის დაფინანსება იმის ნაცვლად, რომ საკუთარი, დასავლეთ ევროპის შეიარაღებული ძალები გააძლიერონ.

„უნგრეთს სურს უკრაინის ევროკავშირის მიღმა დატოვება, რადგან თუ ჩვენ მას ევროკავშირში შემოვუშვებთ, ყველა რესურსს ღრუბელივით შთანთქავს“, - განაცხადა უნგრეთის პრემიერ-მინისტრმა.

უნგრეთის პრემიერ-მინისტრმა ასევე ისაუბრა უკრაინიდან მომდინარე ენერგეტიკულ საფრთხეზე და უკმაყოფილება გამოთქვა ევროკავშირის განზრახვაზე, უარი განაცხადოს რუსეთისგან ენერგორესურსების შესყიდვაზე.

ორბანის თქმით, რუსეთიდან მიღებული გაზისა და ნავთობის გარეშე, უნგრეთს სხვა წყაროებიდან მიღებული გაზისთვის წელიწადში დამატებით 800 მილიარდი ფორინტის გადახდა მოუწევს. მისი გათვლებით, უნგრელებს ელექტროენერგიისთვის ორჯერ მეტის გადახდა მოუწევთ, გათბობის გადასახადი კი ოთხჯერ გაიზრდება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია