პირადი ცხოვრების შემცველი ფარული კადრების მოპოვება-გავრცელების საქმეზე დაკავებული ზურაბ ჯამალაშვილის შვილის ვასილ ჯამალაშვილის დაკითხვა მთავარ პროკურატურაში დასრულდა.

ჯამალაშვილი საგამოძიებო უწყებაში სამი საათის განმავლობაში მოწმის სტატუსით  იკითხებოდა. ცნობილია, რომ   იგი  "ქრონიკა+"-სთვის გადაცემული ფარული ჩანაწერების საქმეზე იყო დაბარებული.  მას მედიასთან დაკითხვის დეტალებზე არ უსაუბრია.

ადვოკატ  გიორგი ფოფხაძის თქმით კი,  გამოძიებას შესაბამისი ჩვენება მისცეს:

“ჩვენ გავეცით პასუხები სათანადოდ, ვინაიდან კიდევ ერთხელ ვაცხადებ, რომ ვასილ ჯამალაშვილს არც მაშინ არ ჰქონია წვდომა, რაც დღეს დავადასტურეთ კიდევ ერთხელ და მივეცით შესაბამისი ჩვენება“ - განაცხადა ფოფხაძემ.

შეგახსენებთ, დღეს პროკურორმა ლაშა კოტრიძემ განაცხადა, რომ ჯერჯერობით ამ საქმესთან ჯამალაშვილის შვილის კავშირი არ იკვეთება.

ინფორმაციისთვის, ზურაბ ჯამალაშვილის შვილი, ვასილ ჯამალაშვილი ცნობილი ჰაკერია. ის 2012 წელს კიბერდანაშაულისთვის  დააკავეს, მოგვიანებით კი, გირაოთი გაათავისუფლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიაში, სამხედრო აეროდრომის მახლობლად, უცნობი დრონის ნამსხვრევები იპოვეს

ნატო: რუსეთმა მოკავშირეების დაშინება დანიური ვერტმფრენის მიმართულებით ცეცხლსასროლი იარაღის სროლით სცადა

ტრამპ უმცროსის მეუღლემ დაადასტურა, რომ პუტინის დაცვის უფროსის მეგობარმა აშშ-ის პრეზიდენტის შვილის ქორწილი დააფინანსა

ოცნების 14-მა ე.წ დეპუტატმა ტელეფონის სქროლისას ვერ შეამჩნიეს, როგორ დაუჭირეს მხარი გახარიას პარტიის ინიციატივას