მნიშვნელოვანი საუბარი მქონდა კანცლერ მერცთან, ყველა ჩვენი კონტაქტისა და ნაბიჯის იმდენად ახლო კოორდინაციას ვახდენთ, რამდენადაც შესაძლებელია, - ამის შესახებ უკრაინის პრეზიდენტი, ვოლოდიმირ ზელენსკი გერმანიის კანცლერ, ფრიდრიხ მერცთან გამართული საუბრის შემდეგ X-ის საკუთარ გვერდზე წერს.

„მნიშვნელოვანი საუბარი მქონდა გერმანიის კანცლერ ფრინდრიხ მერცთან. მადლობა გადავუხადე უკრაინის მხარდაჭერის მხრივ ძლიერი და კონსტრუქციული პოზიციისთვის.

განვიხილეთ ჩვენი გუშინდელი საუბარი პრეზიდენტ ტრამპთან, ისევე როგორც დღევანდელი საუბრები ევროპელ ლიდერებთან.

ყველა ჩვენი კონტაქტისა და ნაბიჯის იმდენად ახლო კოორდინაციას ვახდენთ, რამდენადაც შესაძლებელია. კრიტიკულად მნიშვნელოვანია ყველა პარტნიორს შორის ერთიანობის შენარჩუნება და გამოსავლების ძიება, რომლებიც ნამდვილად შეძლებენ ამ ომის სამართლიანი მშვიდობით დასრულებას.

ასევე ვისაუბრეთ ომის შემდეგ უკრაინის აღდგენაზე. უკვე უნდა ვფიქრობდეთ ამაზე და ნათელი გეგმა გვქონდეს, რომელიც დაგვეხმარება ნამდვილი მშვიდობის ახლა დაახლოებასა და მოგვიანებით მხარდაჭერის უზრუნველყოფაში. ერთად ვიმუშავებთ, რათა ეს ყველაფერი მოხდეს. მადლობელი ვარ მხარდაჭერისთვის”, - წერს ზელენსკი.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით