2025-05-07 15:56:50, 609 ნახვა
მსოფლიო
ფრიდრიხ მერცი საფრანგეთს ეწვია
გერმანიის ახლად არჩეული კანცლერი, ფრიდრიხ მერცი საფრანგეთში ჩავიდა, სადაც პრეზიდენტ ემანუელ მაკრონს შეხვდება, - ინფორმაციას Deutsche Welle ავრცელებს.
გამოცემის ცნობით, კანცლერი საფრანგეთის შემდეგ პოლონეთს ეწვევა და ქვეყნის პრემიერ-მინისტრს, დონალდ ტუსკს შეხვდება.
ვიზიტის ფარგლებში გამართული მოლაპარაკებები ევროპის უსაფრთხოებისა და მიგრაციის პოლიტიკას შეეხება.
შეგახსენებთ, ბუნდესტაგმა გერმანიის კანცლერად ფრიდრიხ მერცი გუშინ აირჩია. მერცის კანდიდატურას მხარი 325-მა დეპუტატმა დაუჭირა, ხოლო მის წინააღმდეგ ხმა 289-მ მისცა.
ავტორი: ექსპრესნიუსი,
epn.ge (@expressnews.ge)
