პაკისტანის არმიის ინფორმაციით, ინდოეთის თავდასხმას 26 მშვიდობიანი მოქალაქე ემსხვერპლა

2025-05-07 10:16:54, 743 ნახვა

მსოფლიო

პაკისტანის არმიის მეთაურის განცხადებით, ინდოეთის თავდასხმების შედეგად 26 მშვიდობიანი მოქალაქე დაიღუპა, - ინფორმაციას Reuters-ი ავრცელებს.

არმიის მეთაურის თქმით, დაშავებულია 46 ადამიანი.

ამასთან, პაკისტანის არმიის მეთაურმა განაცხადა, რომ პაკისტანი ინდოეთს უპასუხებს მის მიერ შერჩეულ დროს, ადგილას და საშუალებებით.

ამასთან, ინდოეთის პოლიციის ინფორმაციით, ქაშმირის ინდოეთის მიერ კონტროლირებად ნაწილში პაკისტანის მიერ განხორციელებული საარტილერიო დაბომბვის შედეგად 10 ადამიანი დაიღუპა, 48 კი დაშავდა.

შეგახსენებთ, ინდოეთმა პაკისტანსა და ქაშმირის პაკისტანის მიერ კონტროლირებად ნაწილზე საჰაერო დარტყმები განახორციელა. ეს იყო ინდოეთის პასუხი ორ კვირაზე მეტი ხნის წინ ქაშმირში ტურისტებზე განხორციელებულ თავდასხმაზე, რომელსაც 26 ადამიანის სიცოცხლე ემსხვერპლა. დელი აცხადებს, რომ ოპერაცია "სინდორის" ფარგლებში ცხრა ობიექტს დაარტყა. პაკისტანის ინფორმაციით, ინდოეთმა სამი ლოკაცია დაბომბა.

პაკისტანი აცხადებს, რომ ინდოეთის კუთვნილი 5 მოიერიშე თვითმფრინავი ჩამოაგდო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,