2025-05-05 21:40:15, 1367 ნახვა

---

არალეგალ მიგრანტებს, რომლებიც აშშ-ს ნებაყოფლობით დატოვებას გადაწყვეტენ, ტრამპის ადმინისტრაცია 1000 დოლარს და ავიაბილეთებს შესთავაზებს

არალეგალ მიგრანტებს, რომლებიც აშშ-ს ნებაყოფლობით დატოვებას გადაწყვეტენ, დონალდ ტრამპის ადმინისტრაცია 1000 დოლარს შესთავაზებს, - ამის შესახებ ინფორმაციას სააგენტო Reuters-ი აშშ-ის ეროვნული უსაფრთხოების დეპარტამენტზე დაყრდნობით ავრცელებს.

აშშ-ის ეროვნული უსაფრთხოების დეპარტამენტის განცხადებით, აშშ-ის პრეზიდენტის, დონალდ ტრამპის ადმინისტრაცია არალეგალ მიგრანტებს 1000 დოლართან ერთად ავიაბილეთებსაც შესთავაზებს და ეს ბევრად უფრო იაფი დაჯდება, ვიდრე მათი დეპორტაცია.

„თუ თქვენ აქ არალეგალურად იმყოფებით, დაპატიმრების თავიდან ასაცილებლად თვითდეპორტაცია ამერიკის შეერთებული შტატების დატოვების საუკეთესო, უსაფრთხო და ყველაზე ეკონომიური გზაა“, - განაცხადა ეროვნული უსაფრთხოების მდივანმა, კრისტი ნოემმა.

აშშ-ის ეროვნული უსაფრთხოების დეპარტამენტის ცნობით, ქვეყანაში არალეგალურად მყოფი პირის დაკავების, მისი პატიმრობაში ყოლისა და დეპორტაციის საშუალო ღირებულება ამჟამად 17000 დოლარს შეადგენს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი