ევროკომისარი თავდაცვისა და კოსმოსის საკითხებში, ანდრიუს კუბილიუსი აცხადებს, რომ ევროკავშირს აქვს შესაძლებლობა მნიშვნელოვნად გაზარდოს უკრაინისთვის სამხედრო მხარდაჭერა უკრაინელი მწარმოებლებისგან იარაღის პირდაპირ შეძენით.

ევროკომისარი სოციალურ ქსელში წერს, რომ აშშ და ევროკავშირი ამჟამად უკრაინისთვის სამხედრო დახმარების სახით ყოველწლიურად დაახლოებით 40 მილიარდ ევროს გამოყოფენ. თუმცა, მისი თქმით, ამ თანხის უფრო ეფექტურად გამოყენება შესაძლებელია უკრაინელი მწარმოებლებისგან იარაღის პირდაპირ შეძენაში ინვესტირებით.

„თუ ტრამპი პუტინს მშვიდობის დამყარებაში ვერ დაარწმუნებს, ჩვენ, შესაძლოა, ძალიან სწრაფად წარმოვადგინოთ მშვიდობისთვის უფრო დამაჯერებელი არგუმენტები - უკრაინისთვის ჩვენი სამხედრო მხარდაჭერის მნიშვნელოვნად გაზრდით. აქამდე ევროკავშირი და აშშ უკრაინას წელიწადში დაახლოებით 40 მილიარდი ევროს სამხედრო დახმარებას უწევდნენ. თუმცა, ჩვენ შეგვიძლია იგივე თანხა დავხარჯოთ უკრაინაში თანამედროვე იარაღის შეძენაზე - რაც დაახლოებით ორჯერ ნაკლები დაჯდება, ვიდრე ევროკავშირში ან აშშ-ში წარმოებული იარაღი. ეს, ფაქტობრივად, გააორმაგებს უკრაინის მიერ იმავე 40 მილიარდი ევროს სანაცვლოდ მიღებული იარაღის მოცულობას. ჩვენი მხარდაჭერის რეალური ღირებულება 80 მილიარდ ევრომდე გაიზრდება“, - წერს კუბილიუსი.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა