რუსული დრონებით თავდასხმის შედეგად უკრაინის ქალაქებში, ხარკოვსა და დნიპროში სულ მცირე ერთი ადამიანი დაიღუპა, ხოლო 46-მდე დაშავდა.

ხარკოვის გუბერნატორის ოლეგ სინეგუბოვის ინფორმაციით, ქალაქზე განხორციელებულმა შეტევამ სულ მცირე 45 ადამიანი, მათ შორის, ორი ბავშვი და ორსული ქალი დააზინა.

ხარკოვის მერის, იგორ ტერეხოვის თქმით, ქალაქზე 16 დარტყმა განხორციელდა.

"დაზიანდა მრავალსართულიანი საცხოვრებელი სახლი, კერძო სახლები, სამედიცინო დაწესებულება და სხვა სამოქალაქო ინფრასტრუქტურა". - აღნიშნა ტერეხოვმა

უკრაინის საზოგადოებრივმა მაუწყებლის მიერ გავრცელებული ინფორმაციით ერთ-ერთ დრონმა საცხოვრებელი კორპუსის მერვე სართული დააზიანა.

დნიპროპეტროვსკის ოლქის გუბერნატორის, სერგეი ლისაკის განცხადებით, დნიპროში 53 წლის კაცი დაიღუპა და დაშავდა კიდევ ერთი ადამიანი. მისი თქმით, დნიპროში თავდასხმამ ხანძრები გამოიწვია.

 "დნიპროსთვის რთული ღამე იყო". - წერს ლისაკი ტელეგრამზე. მისი თქმით, უკრაინულმა მხარემ 9 დრონის ჩამოგდება მოახერხა.

ავტორი: ექსპრესნიუსი,

სოციალური ქსელები

კობახიძე - გაზის ტარიფთან დაკავშირებით გადაწყვეტილებას იღებს სემეკი

კობახიძემ სენატორი ჯო უილსონს კორუფციაში და დანაშაულის ჩადენაში დასდო ბრალი

კობახიძე - არ შეიძლება სერიოზული კომენტარები ვაკეთოთ ბატონი გვარამიას განცხადებებზე, ეს არის ისტერიული მცდელობა, რომ საკუთარი ცოდვები გადაფარონ

კობახიძე საკონსტიტუციო სასამართლოში მიმდინარე პროცესზე - არის მარტივი, მშრალი პოლიტიკური განცხადებები, თუმცა ვერაფერს უპირისპირებენ იმ დასაბუთებულ სარჩელს