უკრაინის ალიანსში გაწევრიანება შეუქცევადია, თუმცა არ იქნება რუსეთთან პოტენციური სამშვიდობო შეთანხმების ნაწილი, – ამის შესახებ ნატო-ს გენერალურმა მდივანმა, მარკ რუტემ ტელეარხთან „ჩვენ უკრაინა“ ინტერვიუში განაცხადა.

ნატო-ს ხელმძღვანელმა დაადასტურა, რომ 2024 წლის ვაშინგტონის სამიტის გადაწყვეტილება, რომლის თანახმადაც, უკრაინის გზა ალიანსის წევრობისკენ შეუქცევადია, კვლავ ძალაშია.

„უკრაინის გზა ნატო-ში შეუქცევადია. ეს იყო ვაშინგტონის სამიტის შედეგი და არაფერი შეცვლილა. როდესაც ვამბობდით, რომ უკრაინა ერთ დღეს გახდება ნატო-ს წევრი, ჩვენ არასდროს გვითქვამს, რომ ეს იქნება სამშვიდობო შეთანხმების ნაწილი“, – განაცხადა რუტემ.

მისი თქმით, დასავლეთის მიზანია უკრაინისთვის „ნამდვილი მშვიდობის“ უზრუნველყოფა და არა კონფლიქტის მორიგი გაყინვა, მინსკის შეთანხმებების მსგავსად.

„რა თქმა უნდა, ის, რაზეც აშშ-ის პრეზიდენტი მუშაობს, არის უკრაინის მიყვანა მყარ, ხანგრძლივ მშვიდობამდე“, – განაცხადა რუტემ.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა