უკრაინის უმაღლესი რადის თავმჯდომარის, რუსლან სტეფანჩუკის განცხადებით, საკანონმდებლო ორგანოს წევრები თითქმის დარწმუნებულები არიან, რომ საომარი მდგომარეობა, რომლის ვადაც 9 მაისს იწურება, კიდევ ერთხელ გახანგრძლივდება.

სტეფანჩუკმა აღნიშნა უკრაინას რუსეთისგან დემოკრატიული არჩევნებისადმი ერთგულება გამოარჩევს.

"ეს ჩემთვის პრიორიტეტია, რადგან უკრაინა ისტორიულად ყოველთვის იყო, არის და იქნება დემოკრატიული". - აღნიშნა რადის თავმჯდომარემ Reuters-თან საუბარში. 

"ეს არის ის, რაც გამოგვარჩევს რუსეთის ფედერაციისგან. ამ საკითხში ჩვენ უფსკრულის ორ სხვადასხვა ნაპირას ვართ". - აღნიშნა სტეფანჩუკმა.

მისი თქმით, მომავალი არჩევნებისთვის მზადების პროცესი დაწყებულია, თუმცა ის ჯერ მხოლოდ საწყის ეტაპზეა.

მანამდე, 12 მარტს, უკრაინის პრეზიდენტმა, ვოლოდიმირ ზელენსკიმ თქვა, რომ უკრაინაში არჩევნები ომის დასრულებისა და საომარი მდგომარეობის გაუქმების შემდეგ ჩატარდება და დაამატა, რომ მათი გადადება არ იგეგმება.

"ომის დასრულების შემდეგ საომარი მდგომარეობა გაუქმდება. ხოლო მისი გაუქმების შემდეგ არჩევნები უკრაინის კანონმდებლობის შესაბამისად ჩატარდება. არავინ არაფერს განზრახ არ გადადებს" - თქვა უკრაინის პრეზიდენტმა.

ავტორი: ექსპრესნიუსი,

სოციალური ქსელები

ტრამპმა ლიეტუვას მოსთხოვა, ევროკავშირის სანქციების გვერდის ავლის მიზნით, ბელარუსული კალიუმის ექსპორტისთვის პორტი გაეხსნა

სოციალური სამართლიანობის ცენტრი - საარსებო შემწეობის მიმღებთა რაოდენობის მკვეთრი კლება არაერთ კითხვას აჩენს

კობახიძე აზარტული თამაშების საერთაშორისო ტურნირთან დაკავშირებულ კანონზე - ეს არ არის განსაკუთრებული მნიშვნელობის მქონე კანონპროექტი

რუსეთის მიერ ოკუპირებული ოლეშკადან ხალხის ევაკუაცია დაიწყო